ହେ ମହାପୁରୁଷ ନେତାଜୀ ସୁବାଷ

ସାକ୍ଷୀ ଇତିହାସ ହେ ମହାପୁରୁଷ

ଜନ୍ମ ଭୂମି ମାଟି ଦେହରେ ବୋଳି

ସ୍ଵାଧୀନତା ପାଇଁ କରିଛ ଲଢ଼େଇ

ତିଳ ତିଳ ହୋଇ ଯାଇଛ ଜଳି |

କରିଥିଲ ପଣ କରିବ ସ୍ୱାଧୀନ

ଇଂରାଜୀ ଜାତିକୁ କେବେ ନ ଡରି

ଦେଶବାସୀ ପାଇଁ ଯାଇଛ ଆଗେଇ

ଆସି ନାହଁ ଆଉ ପଛକୁ ଫେରି |

ଭାରତ ଜନନୀ କାନ୍ଦେ ତୁନି ତୁନି

ଆଜି ବି ଝୁରୁଛି ତୁମକୁ ଦେଶ

ଫେରି ଆସ ଥରେ ଏ ଦେଶ ବୁକୁରେ

କୁଆଡ଼େ ଗଲ ହେ ବୀର ପୁରୁଷ |

ମୃତ୍ୟୁର ରହସ୍ୟ ଏବେ ବି ଅବଶ୍ୟ

ଦୋଳାୟିତ କରେ ମନକୁ ଆମ

ଶ୍ରେଷ୍ଠ ଶ୍ରଦ୍ଧାଞ୍ଜଳି ଦେବୁ ଆମେ ତୋଳି

ପ୍ରଭାବିତ ହୋଇ ଆଦର୍ଶେ ତୁମ |