ହେ ବୀର ଅଭିନନ୍ଦନ
ହେ ବୀର ଅଭିନନ୍ଦନ
ଶତ୍ରୁର ମୁଲକେ ଧୈର୍ଯ୍ୟ ସହକାରେ
ଉଚ୍ଚା କରି ନିଜ ମଥା
ଭାରତ ମାଟିର ବୀର ପରା ତୁମେ
ଗାଇବ ବିଜୟ ଗାଥା ।
ତୁମ ପଛେ ଆଜି ସାରା ଦେଶ ଅଛି
ଉଣା କରିବନି ମନ
ବିଜୟ ନିଶ୍ଚିତ ହୋଇବ ତୁମର
ହେ ବୀର ଅଭିନନ୍ଦନ ।
ବିଶ୍ବ ସମୁଦାୟ ଭାରତ ସାଥିରେ
ଯିବ ନାହିଁ କେବେ ଡରି
କର୍ତ୍ତବ୍ୟ ତୁମର କରି ଚାଲ ମନେ
ଅଦମ୍ୟ ସାହସ ଭରି ।
ମାତୃଭୂମି ସେବା ଠାରୁ ବଳି ଆଉ
କେଉଁ କାମ ଅଛି କୁହ
ଯେଉଁ ମାତୃଭୂମି ପାଣି ପବନରେ
ଗଢ଼ା ହେଇଛି ଏ ଦେହ ।
ଆତଙ୍କିତ ହୋଇ ଖୋଲିବାର ନାଇଁ
କେବେ ତୁମେ ତୁମ ପାଟି
ଯେଉଁଥିପାଇଁକି ଲୋକହସା କେବେ
ନ ହେଉ ଏ ଜନ୍ମ ମାଟି ।
ଉଦ୍ଧାର କରିବା ପାଇଁ ତୁମକୁ ହେ
ଚେଷ୍ଟା କରୁ ଅବିରତ
ସମୟ ଲାଗିବ ସେଥିପାଇଁ ନିଶ୍ଚେ
ଶୁଣ ଆହେ ବୀର ସୁତ ।