ସିଧାକଥା କବିତା: 123

ଗୋଟିଏ କଥା ଗୋଟିଏ ଚର୍ଚ୍ଚା ଚାଲିଛି ଘରେ ବାହାରେ,

କରୋନା ଆସି କଅଣ କଲା ଆମରି ସୁନା ସଂସାରେ ?

ମାନବଜାତି କଲ୍ୟାଣ ପାଇଁ ପ୍ରଧାନମନ୍ତ୍ରୀ କହିଲେ,

ଦୀପଟି ଜାଳି ପ୍ରାର୍ଥନା କର ଭଲ ପ୍ରସ୍ତାବ ଥୋଇଲେ |

ଥୋକାଏ ବସି କହନ୍ତି ଆମେ ମାନିବୁ ନାହିଁ ନିୟମ,

ନିଜେ ମରିବୁ ସବୁ ମାରିବୁ ହୀନ ତାଙ୍କର କରମ |

ଭଲକଥା କେ କହିଲେ ତାକୁ ହସିକି ଦେବୁ ଉଡ଼େଇ,

ଦାୟିତ୍ୱହୀନ ଭାଷଣ ଦେବୁ ଦେଖାଇ ନିଜ ବଡ଼େଇ |

ଏଇ ଦେଶରେ ଅଛନ୍ତି ଲୁଚି ଅନେକ ଶିଖି ମନେଇ,

ଚରଣ କେତେ ଦେଶ ଶତ୍ରୁକୁ ଆଣି ରଖନ୍ତି ମତେଇ |

ରାଜନୀତିର ପଶାପାଲିରେ କେତେକ ନାକ ଟେକନ୍ତି,

ଜାତି ଘାତକ ସଂସ୍କୃତି ମାରୁ ନିଜ ବିବେକ ବିକନ୍ତି |

ଭୂତାଣୁଠାରୁ ବେଶୀ ବିପଦ ହୀନବୁଦ୍ଧିର ମଣିଷ,

ବଗମୁଣ୍ଡରେ ଲାଗିବ ଅଠା କାଉ ଖାଇବ ପଣସ |