ନହେଲେ,କାନ୍ଦି କାନ୍ଦି ନିଶ୍ଚେମରିବ

ରେ ରେ ମଣିଷ କଥାଟିଏ କହେ      

ଶୁଣି ତାକୁ ଟିପିରଖ

ତୁମ ଭଲ ପାଇଁ କହୁଅଛି ମୁହିଁ

ମୋ କଥାରୁ କିଛି ଶିଖ

ବାପା ମାଆଙ୍କୁ ବୃଦ୍ଧା ଶ୍ରମରେ

ଯଦି ଛାଡ଼ି ଦେଇପାର

ନିଜ ସନ୍ତାନ କୁ ଅନାଥ ଆଶ୍ରମେ

ଛାଡ଼ିଦେଇ ଖୁସି କର

ତୁମ ପାଇଁ ଭଲ କଥାଟିଏ ହେବ

ଖୁସିରେ ଖୁସିରେ ରହିବ

ତୁମେ ବୃଦ୍ଧ ହେଲେ ବୃଦ୍ଧା ଶ୍ରମରେ

ଛାଡିବାକୁ କିଏ ନଥିବ

ସନ୍ତାନ ସିନା ତୁମ ପାଖେ ଥିଲେ

ବୃଦ୍ଧାଶ୍ରମେ ଛାଡ଼ିଦେଵ

ବୃଦ୍ଧାଶ୍ରମେ ରହି ଦୁଃଖରେ ଦୁଃଖରେ

କାନ୍ଦି କାନ୍ଦି ଦିନ କଟିବ.....

ସନ୍ତାନ ନଥିବେ ତୁମରି ପାଖରେ

ନିସଙ୍ଗ ଜୀବନ କାଟିବ

ଅସହାୟ ହୋଇ ଘରେ ପଡିରହି

ମରଣକୁ ଜଗି ରହିବ

ତୁମେ ଛାଡିଥିବା ବାପା ମାଆଙ୍କର

ସବୁ କଥା ମନେପଡିବ

ଅତୀତ କଥାକୁ ଗୁମୁରି ଗୁମୁରି

ଦୁଃଖରେ ଦିନ କଟିବ.....

ଜ୍ଞାନୀ ଗୁଣୀ ଯଦି ହୋଇଥିବ ତୁମେ

ମରମ କଥାକୁ ବୁଝିବ

ଆଗତ ବିଗତ ବିଚାରକୁ ନେଇ

ବେଳ ଥାଉ ବନ୍ଧ ବାନ୍ଧିବ.....

  ନହେଲେ କାନ୍ଦି କାନ୍ଦି ନିଶ୍ଚେ ମରିବ....।