ନବବଧୂ

ନବ ବଧୂ ବେଶେ ସାଜି କନ୍ୟା ଆସେ

ନୂତନ ସଂସାର ପାଇଁ

ନିଜ ଘର ଛାଡି ଆସେ ଶାଶୂଘର

ଵର ସହ ସାଥି ହୋଇ ll

ନାଲି ଟୁକୁ ଟୁକୁ ସାଧବ ବୋହୂ ଯେ

ମଥାରେ ସିନ୍ଦୁର ମାରେ

ହାତେ ଶଙ୍ଖା ଚୁଡ଼ି ପିନ୍ଧି ନାଲି ଶାଢ଼ୀ 

ବାପା ମାଆ କଥା ସ୍ମରେ ll

ବାପା ମାଆଙ୍କର ଅଲିଅଳି ଝିଅ

ସ୍ନେହରେ କାଟଇ ଦିନ

ସମାଜର ପ୍ରଥା ପରିବାର ଲାଗି

ବାପଘର ବଳିଦାନ ll

ବିବାହ ଉତ୍ସବ ଅଟେ ଜୀବନର

ଅଭୁଲାର ସ୍ମୃତିରେଖା

ଵର କନ୍ୟା ଦୁହେଁ ପାଏ ସ୍ୱୀକୃତି ଯେ

ସମାଜେ ସଂସାର ରକ୍ଷା ll

ବିବାହ ଅଟଇ ପ୍ରେମର ବନ୍ଧନ

ଦୁଇ ଆତ୍ମାର ମିଳନ

କାୟ ମନ ବାକ୍ୟେ ନିଅନ୍ତି ଶପଥ

ରହିବେ ସାରା ଜୀବନ ll

ରାଜାବେଶେ ଵର ସଜାଇ ହୋଇକି

ବିବାହ ମଣ୍ଡପେ ଆସେ

ସାଙ୍ଗେ ବରଯାତ୍ରୀ ଶୋଭାଯାତ୍ରା କରି

ନାଚି ନାଚି ସାଥେ ଯାଏ ll

ଦେହେ ଶାଲୱାର ମୁଣ୍ଡରେ ମୁକୁଟ

ବେକେ ଥାଏ ଫୁଲହାର

ଚନ୍ଦନ ଟିପାରେ ମୁହଁ ଯେ ସଜ୍ଜିତ

ପାଦେ ଅଳତାର ଧାର ll

ଗୋଲାପ ଫୁଲର ସବାରୀ ଚଢିକି

ବରଯାଏ ବରବେଶେ

କନ୍ୟାଯେ ମେହେନ୍ଦି ହାତରେ ଲଗାଇ

ବସିଥାଏ ବୋହୂବେଶେ ll

ଭୋଜି ଭାତ ଖାଦ୍ୟ ନାନା ପ୍ରକାରର

ବନ୍ଧୁ ସାଙ୍ଗ ସାଥୀଙ୍କର

ଫଟୋ ଉଠା ପୁଣି ଭିଡିଓ ହୁଏଯେ

ଉତ୍ସବ ଏ ଆନନ୍ଦର ll

ବିବାହ ବନ୍ଧନ ନୁହଁଇ କ୍ଷଣିକ

ରୁହେ ଜନ୍ମ ଜନ୍ମାନ୍ତର

ରାଗ ରୋଷ ଭୁଲି ସ୍ନେହ ପ୍ରେମ ରଖି

ଆନନ୍ଦେ କର ସଂସାର ll