ଭୂତ ଓ ଭୂତକୋଠି

ଏ ଦେହରେ ବାସ ପଞ୍ଚଗୋଟି ଭୂତ

ମାଟି ଜଳ ବାୟୁ ଅଗ୍ନି ଆକାଶ

ପଞ୍ଚଭୂତଙ୍କର ଲୀଳାଖେଳା ଚାଲେ 

ଭୂତକୋଠି ଅଟେ ଏ ଶରୀର ।

ପାଞ୍ଚମନ ଆଉ ପଚିଶ ପ୍ରକୃତି 

ଅଦ୍ଭୁତ ଗୁଣଧାରୀ ମଣିଷ

ଏ ସୃଷ୍ଟିରେ ଶ୍ରେଷ୍ଠ ମନୁଷ୍ୟ ଅଟେ

ସ୍ରଷ୍ଟାଙ୍କର ଶ୍ରେଷ୍ଠ କୃତି ଅବଶ୍ୟ ।

ଭୂତ ଭୂତ ଶୁଣି ଭାରି ଡରଲାଗେ

ମନୁଷ୍ୟ ଯେ ବଡ ଭୂତ

ଭାରି ବିସ୍ମୟ ମସ୍ତିଷ୍କ ତାହାରି

ପଞ୍ଚେନ୍ଦ୍ରିୟଙ୍କ ଅଟେ ବଶ ।

ମସ୍ତିଷ୍କକୁ କାବୁ କରି ନପାରିଲେ 

ଭୂତ ପଶିଯିବ ମନେ

ନାନା ଅପଦ୍ରବ କରିବ ଶରୀରେ

ଏ କଥାକୁ ହେଜ କ୍ଷଣେ ।

ପଞ୍ଚେନ୍ଦ୍ରିୟଙ୍କୁ ରଖ ହେ ବଶରେ 

ଭୂତକୋଠି ନହେଉ ଶରୀର

ଉତ୍ତମ ବିଚାର ଆଚାର ସଂହିତା 

ଜ୍ଞାନଅର୍ଜନରେ ଦିଅ ମନ ।