ରାଧାଲୋ କାହିଁକି ଆସିଲୁ ତୁ
ରାଧାଲୋ କାହିଁକି ଆସିଲୁ ତୁ
ରାଧାଲୋ! କାହିଁକି ଆସିଲୁ ତୁ
ପାରିବୁକି ବଞ୍ଚି
ଏଇ ନିରାଶା ହତାଶା
ଆଉ ପ୍ରତାରଣା ଭିତରେ ?
କିଏ ବୁଝିବ ତୋ ପ୍ରେମକୁ
ତୋ ସରଳ ମନକୁ
ଏଠି ପ୍ରେମମାନେ ଖାଲି ଛଳନା
ଆଉ ବାହାନାରେ ।
ଏତେ ଆକଟ ପାରିବୁକି ସହି
ଏତେ ନିନ୍ଦା ଅପବାଦ,
କଠୋର ପରୀକ୍ଷା ପାରିବୁକି ଦେଇ
ଜିତି ପାରିବୁକି ଭେଦ ?
ପ୍ରେମକରି ପାରିବୁକି ସାଜି
ଚିର ବିରହିଣୀ,
ଭାରି କଠୋର ଏ ରାସ୍ତା
ଏଠି ଚାଲିଛି ଠକାମୀ ।
ପାରିବୁକି ଦେଇ ସତୀତ୍ବର
ଚରମ ନିଦର୍ଶନ,
କଣାମାଠିଆରେ ଆଣିପାରିବୁକି
ଯମୁନାରୁ ନୀର ।
ଏଠି କେହି ବୁଝନ୍ତିନି ତୋ
ଶାଶ୍ବତ ପ୍ରେମକୁ,
କେହି ସମ୍ମାନ ଦିଅନ୍ତିନି
ତୋ ପବିତ୍ର ଆତ୍ମାକୁ ।
ଜୀବନର ପ୍ରତି ଛନ୍ଦେ ଛନ୍ଦେ
ଖାଲି ସନ୍ଦେହ ଆଉ ସନ୍ଦେହ
ପାରିବୁନି ବଞ୍ଚି ରାଧା ଏଠି ତୁ,
ଯା' ଫେରିଯା
ସେ ନିତ୍ୟ ଆନନ୍ଦମୟ ଗୋଲକଧାମକୁ।