ଶବ୍ଦର ଶତାବ୍ଦୀ

ତୁମେ ଶବ୍ଦର ଶତାବ୍ଦୀ

ମୁଁ ନୀରିହ ପାଠକଟିଏ

ବାରମ୍ବାର ଖୋଜୁଥାଏ

ତୁମକୁ ସେଥିରେ ।

କେବେ ତୁମ ଆଖିର ଠାରର ଅର୍ଥ

କେବେ ତୁମେ ମୋତେ 

ଲୁଚି ଲୁଚି ଦେଖିବାର ଅର୍ଥ

କେବେ ତୁମେ ମୋ ଭାବନା ସହ 

ଖେଳିବାର ଅର୍ଥ 

କେବେ ତୁମେ ମୋ ସପନରେ

ଆସିବାର ଅର୍ଥ

କେବେ ତୁମପାଇଁ ଅଭିମାନରେ

ଆଖିରେ ଆସୁଥିବା ଲୁହର ଅର୍ଥ

ସତରେ!

ଶବ୍ଦ ଶତାବ୍ଦୀର ସହସ୍ର ପାଖୁଡା ତୁମେ

ମୁଁ ଓଲଟପାଲଟ କରେ ସିନା

ନିରର୍ଥକ ଭାବେ

ଅର୍ଥ ମିଳେନାହିଁ କିଛି

ତଥାପି ଭାରି ଭଲଲାଗେ 

ଖୋଜିବାକୁ ତୁମ ପ୍ରତି ଇସାରାର ଅର୍ଥ

ନିରବରେ, ନିରୋଳାରେ,ଭାବନାରେ ।