ଫଟୋଟିଏ ହେବା ପୂର୍ବରୁ

ଫଟୋଟିଏ ହେବା ପୂର୍ବରୁ

ଜୀବନର ସବୁ ମୂହୁର୍ତ୍ତ ବଞ୍ଚି ଶିଖ ବନ୍ଧୁ

ନିଜେ ହସ ଅନ୍ୟକୁ ହସିବାକୁ ଦିଅ ବନ୍ଧୁ

ତୁମେ କି ଜାଣନା

କାଳକୁ ତ ବାନ୍ଧି ହୁଏନା

ସବୁ ସୁଖଦ ମୂହୂର୍ତ୍ତକୁ

 ମନ ଆଲ୍ ବମ୍ ରେ ବାନ୍ଧି ରଖ ବନ୍ଧୁ।

ଅନୁଶୋଚନା କରନାହିଁ ବନ୍ଧୁ

କିଏ କହିବ କେତେ ପ୍ରକାର 

ଆଲୋଚନା ସମାଲୋଚନା

ସବୁର ଉର୍ଦ୍ଧ୍ବରେ ତୁମେ

ଶୁଣନାହିଁ କେବେ

ପଛରେ ହେଉଥିବା ଅପବାଦ ସବୁକୁ ।

ଅନ୍ୟର ପ୍ରଂଶସା ପଛରେ ଦଉଡନା ବନ୍ଧୁ

ପ୍ରେମ,ପ୍ରଶଂସା ଦୁଇଟି ଦୁଷ୍ପ୍ରାପ୍ୟ

ତୁମେ ଦେଇଚାଲ ପ୍ରେମ

କରିଚାଲ ପ୍ରଶଂସା

କିନ୍ତୁ ତୁମେ ପାଇବ ପ୍ରତାରଣା ନିଶ୍ଚିତ

ନିଜକୁ ଟିକେ ଭଲପାଅ ବନ୍ଧୁ

ପ୍ରତାରଣା ପାଲଟିବ ପ୍ରେମରେ

କାହିଁକି ନଷ୍ଟକରିବ କାହାପାଇଁ

ଜୀବନର ଅମୂଲ୍ୟ ମୁହୁର୍ତ୍ତ ସବୁକୁ ।