ତୁମେ କେବଳ ମୋର
ତୁମେ କେବଳ ମୋର
ତୁମେ ଆସିବ ଆସିବ ବୋଲି
କେତେ ଯେ ବସନ୍ତ ଯାଇଛି
ମନରେ ସାଇତା ଅସରନ୍ତି ପ୍ରୀତି
ଅମାପ ଆଶା ଓ ସ୍ବପ୍ନ
ଅନେକ ଥର ଆସି ଅଳସ ଆଖିରେ
ଲେସି ହୋଇ ଯାଇଛି ।
ହେଇ, ରହିଲା ଏଇ ଫଗୁଣର ରାଣ
ତୁମେ ଯେପରି ଏଥର ଭୁଲିନଯାଅ
ଏଇ ଦେଖୁନ
ତୁମର ସାଥି କୃଷ୍ଣଚୂଡ଼ା କେମିତି
ତୁମକଥା କହି ଚିଡାଏ ମୋତେ
ଆଉ ଫୁଲେଇ ଶ୍ରାବଣ
ଝମ୍ ଝମ୍ ନାଚି ନାଚି
ଦିନରାତି ଆମ ପ୍ରୀତି ଗାଏ ।
ମୋ ସଖୀ ଲଳିତା,
ହଁ ମ ମୋତେ ଲୁଚି ଲୁଚି
ତୁମକୁ ଯିଏ ଭଲପାଏ
ଓଃ! ତୁମକଥା ଭାରି ମନେ ପକାଏ
ପିତ୍ତ ଚଢିଯାଏ ମୋର
ଈଛାହୁଏ କଞ୍ଚା ଚୋବାଇ ଯାଆନ୍ତି
ଭାରି ବହବ!
ୟାକୁ ତାକୁ ଭାରି ନଜର ।
ହଁ ତୁମେ କେବଳ ମୋର
ମନରେ, ସ୍ବପ୍ନରେ, ଜାଗ୍ରତରେ
ନିଃଶ୍ବାସରେ, ବିଶ୍ବାସରେ
ଖାଲି ତୁମେ ତୁମେ ତୁମେ ।
ରାଧେ ରାଧେ।