ଲାଇବ୍ରେରୀ
ପ୍ରୋଫାଇଲ୍
ଆଉ ଟିକେ ରୁହ
ଆଉ ଟିକେ ରୁହ
1 min
211
ଆଉ ଟିକେ ରୁହ କଥା ହେବା ଆମେ
ଆକାଶେ ଉଇଁଲେ ଜହ୍ନ
ତୁମେ ଆଉ ମୁଁ ପଖାଳିବା ବସି
ସ୍ମୃତିର ପୁରୁଣା ଦିନ।o।
ତୁମେ କହୁଥିବ ମୁଁ ଶୁଣୁଥିବି
ଦୂରେ ଚାହିଁ ଥିବ ଜହ୍ନ
ଜହ୍ନ ଆଇନାରେ ତୁମ ମୁହଁ ଦେଖି
ଖୋଜିବି ହଜିଲା ଦିନ ।
ସେତେବେଳେ ଆଉ ନଥିବ ମନରେ
ରାଗ ରୁଷା ଅଭିମାନ।୧।
ଆଉ ଟିକେ...
ଚାରିଆଡେ ଏବେ ଅନ୍ଧାର ହେଲାଣି
ପବନ ତ ଅଛି ପାଖେ
ଗଛ ମାନେ ସବୁ ନିରବି ଗଲେଣି
ନିଦ୍ରାର ଅଭିମୁଖେ
ତାରା ମାନେ ଦେଖ ବସିଲେଣି ଆସି
ଖୋଜିଖୋଜି ନିଜ ଥାନ।୨।
ଆଉ ଟିକେ...
