ମନ ନିରିମଳ କରି-

ମନ ନିରିମଳ କରି-

ଉଡି ଉଡି ଯାଏ କାଉ
ସକାଳରୁ ସଞ୍ଜେ ଏ ଗାଆଁ ସେ ଗାଆଁ
ହେଉ ଥାଏ ରାଉ ରାଉ ।

ଦେଉଳରେ ବସି ପାରା
କହିଲା କାଉକୁ ରାଉ ରାଉ ହେଉ
କହ କାହିଁ ଦିନ ସାରା ।

ଏଘର ସେଘର ଯାଉ
ଅଳିଆ ଅସନା ସଫା କରି ନିତି 
କିଲାଭ କହିଲୁ ପାଉ ।

ଏତେ ଭଲ କାମ କରି
କହିଲୁ କିଏସେ ଦିନଟେ କହିଛି
ନୁହେଁ କେହି ତୋ'ର ସରି ।

କାଉ କହିଲାରେ ଭାଇ 
କାହା ପରଶଂସା ଶୁଣିବାକୁ ଟିକେ 
ସମୟ ମୋ ପାଖେ କାହିଁ ।

କାମରେ ଯାହାର ମନ
ତା'ପାଖେ ସମୟ ବଳିବ କୋଉଠୁ
ଶୁଣିବ ସେ କଥା ଆନ ।

ନିନ୍ଦା ପରଶଂସା କଥା
ମନରେ ନ ଭାବି କାମ କରିଗଲେ
ହେବ ନାହିଁ ମୁଣ୍ଡ ବଥା ।

ଭଲ କାମ ଟିଏ ପାଇଁ
ପକ୍ଷୀଟିଏ କରି ଜନମ ଦେଇଛି 
ଆମକୁ ଜଗତ ସାଇଁ ।

କାହିଁ ହେବି କାହା ସରି
ଭଲ କାମ ସଦା ନିତି କରୁଥିବି
ମନ ନିରିମଳ କରି ।

ତପନ କୁମାର ସ୍ବାଇଁ
ଅଇବିଲି,ତିର୍ତ୍ତୋଲ,ଜଗତସିଂହପୁର
ମୋ -୯୦୪୦୦୩୩୩୯୦