ଏତେ ସୁନ୍ଦର ଧରାର ଛବି --

ଏତେ ସୁନ୍ଦର ଧରାରେ ଛବି

କିଏସେ ଦେଲା ସକାଳୁ ଆଙ୍କି

ଅନ୍ଧାର ଥିଲା ଘୋଟି,

ସାରା ମୂଲକେ ପକାଇ ଦେଲା

ସାତ ରଙ୍ଗର ଝୋଟି ।

ଜାତି ଜାତିକା ଫୁଟିଛି ଫୁଲ

ସତେକି ସିଏ ଅମୂଲ ମୂଲ

ଅଟକି ଯାଏ ଆଖି,

କିଏସେ ସିଏ ଫୁଲର ଦେହେ

ରଙ୍ଗ ଦେଇଛି ମାଖି ।

ଉଡ଼ି ଉଡ଼ିକା ପରଜା ପତି

କୋଉଠି ଥାଏ ଆସଇ କତି

ଫୁଲ ଦେହରେ ବସି,

କି କଥା ତାକୁ କାନରେ କୁହେ

ଫୁଲଟି ଦିଏ ହସି ।

ପୂରୁବ ଦିଗେ ନାଲି ସୁରୁଜ

ପତର ଫାଙ୍କେ ବୁଣେ ମୁରୁଜ

ବିଛେଇ ପଡେ ଖରା,

ସେହି ଖରାକୁ ଦେହେ ମାଖଇ

ମାଟିର ଏଇ ଧରା  ।

ଯେତେ ଖୋଜଇ ଅଗଣା,ବିଲ

ସାଗର,ନଈ,ପାହାଡ ଖୋଲ

କେଉଁ ଦେଶ ତା' ଘର,

ଦେଖନ୍ତି ତାକୁ ଥରିଏ ହେଲେ

ଠିକଣା ଖୋଜି ତା'ର ।

ତପନ କୁମାର ସ୍ବାଇଁ

ମହାନଦୀ ବିହାର, କଟକ -୪

ମୋ -   ୯୪୩୭୫୯୬୭୫୧