ବସ୍ତାନୀ ବଡ଼

ମୋ ଇସ୍କୁଲରେ ପଢୁଛି ମୋହନ

ମୋ ସିଲଟକୁ ଧରି

ମଡାଉଛି ଏବେ ଅ ଆ ସିଏ

ଚକ ଖଡି ଘୋରି ଘୋରି ।

ରଖିଛି ପାଖରେ ପାଣି ଶିଶିଟିଏ

ଅଳପ ଟିକିଏ ଢାଳି

ଲିଭାଇ ଦିଏ ସେ ଘଷରା ସିଲଟ

ଦିଶେ ସଫା ନୂଆ ପରି ।

ନଈ ପାଣି ସବୁ ଯାଆ ତୁ ନଈକୁ

ସିଲଟ ମୋ ଶୁଖି ଯାଆ

ସିଲଟ ହଲାଇ ପଦ୍ମତୋଳା ଗାଏ

ମୋହନିଆ ଚାଲାକିଆ ।

ଶିଖିବ ଅକ୍ଷର ସ୍ୱର ଓ ବ୍ୟଞ୍ଜନ

ଲେଖିବ ଗଣନ ସ°ଖ୍ୟା

ମିଶାଣ ଫେଡାଣ ହରଣ ଗୁଣନ

ଶିଖିବ ବି ପଣିକିଆ ।

ମୋ ଛବି ବହି ବର୍ଣ୍ଣବୋଧ ପଢି

ଜିଣିବ ମୋହନ ଗଡ଼

ଧୀରେ ଧୀରେ ତାର ବଢିବ କିଲାସ

ବସ୍ତାନୀ ହୋଇବ ବଡ଼ ।

ଶୁଣିଛି ମୋହନା କହୁଥିଲେ ଜେଜେ

ଗଜୁରିବ ତାର ନିଶ

ବାଘୁଆ ନିଶକୁ ମୋଡିକି ଲଢିବ

ମୋହନା କାଳିଆ ଅଶ୍ୱ ।