Hurry up! before its gone. Grab the BESTSELLERS now.
Hurry up! before its gone. Grab the BESTSELLERS now.

Jayashree Maharana

Romance


4.5  

Jayashree Maharana

Romance


ଗୋଲାପ ରାଣୀ

ଗୋଲାପ ରାଣୀ

1 min 24.3K 1 min 24.3K

ମୋ ହୃଦ ରାଇଜ ଗୋଲାପ ରାଣୀ ତୁ

ମନକୁ ମୋହର ମୋହି ନେଇଛୁ

ତୋ ସପନ ବିନା ରାତି ମୋ ବିତେନା

ଏମିତି ପ୍ରେମରେ ବାନ୍ଧି ଦେଇଛୁ ।


ଗୋଲାପୀ ବସନେ କରୁଛୁ କିମିଆଁ

ଚଗଲା ମନ ମୋ ଚହଲି ଯାଏ

ତୋତେ ଦେଖିଦେଇ ପୁନେଇଁ ଜହ୍ନଟା

କାହିଁକି କେଜାଣି ଲାଜେଇ ଯାଏ ।


ଗୋଲାପୀ ଅଧର ମନ କିଣେ ମୋର

ହସରୁ ମୁକୁତା ସତେ କି ଝରେ

ତୋର ପାଶେ ବସି ଗପିବାକୁ ଭାରି

କେତେ ଯେ ଭାବନା ଜାଗେ ହୃଦରେ ।


ଗୋଲାପ ଅତର ମଖା ତୋ ଶରୀର

ମହକିତ କରେ ହୃଦୟ ମୋର

ତୋହରି ସାଥିରେ ଚାନ୍ଦିନୀ ରାତିରେ

ଗାଇଉଠେ ମନ ପ୍ରୀତିର ସ୍ୱର ।


ଗହଳ କେଶରେ ଗୋଲାପ ଫୁଲଟି

ଲାଗୁଥାଏ ଗୋରୀ ଭାରି ସୁନ୍ଦର

ଗୋଲାପ ବନରେ ପ୍ରୀତି ମଧୁ ପାଇଁ

ପ୍ରଜାପତି ମନ ହୁଏ ଅଧିର ।


ଗୋଲାପ ରାଣୀ ତୁ ଗୋଲାପ ବନର

ଗୋଲାପ ପରଶ ପାଇବା ପାଇଁ

ସାଜିଛି ଭ୍ରମର ହୃଦୟ ମୋହର

କଣ୍ଟାର ଆଘାତ ଯିବି ମୁଁ ସହି ।


 



Rate this content
Log in

More oriya poem from Jayashree Maharana

Similar oriya poem from Romance