ଶ୍ରେଷ୍ଠ ସୃଷ୍ଟି

ଅଭିଯୋଗ-ଅଭିମାନ-ଅଭିଳାଷ

  ନାହିଁ ପ୍ରଭୁ ମୋର କିଛି

ଆହେ ମାୟାପତି ମୁକ୍ତି ଦିଅଖାଲି

  ଦୁନିଆଁରେ ମାୟା ରଚି ।

ଲୋଡାନାହିଁ ପ୍ରଭୁ ତୁମ ଶ୍ରେଷ୍ଠ ସୃଷ୍ଟି

  ମାନବ କୁହ ଯାହାକୁ

କ୍ଷଣେ କ୍ଷଣେ ଏଠି ବିଷ ବୃକ୍ଷ ସେହି

  କଣ କହିବି ତୁମକୁ ।

ଆହେ ଅନ୍ତର୍ଯ୍ୟାମୀ ଜଗତରସ୍ୱାମୀ 

  କେତେ କର ତୁଚ୍ଛା ନାଟକ

ସବୁ ଜାଣିଶୁଣି ମାୟା ରଚି ଖାଲି

  ବସିଛ ଯେ ହୋଇ ଦର୍ଶକ ।

କେଉଁ ଗୁଣ ଯୋଗୁଁ ମାନବ ଗୁଡ଼ାକ

  ହୋଇଲେ ଶ୍ରେଷ୍ଠ ରଚନା

ବିଶ୍ୱ ପତି ହୋଇ ଆହେ ବିଶ୍ଵରୂପୀ

  ସରିଲା କି ତୁମ କଳ୍ପନା

ସରିଲା କି ତୁମ କଳ୍ପନା ।