ଦୀପାବଳୀ

ନକରାତ୍ମକ ଉର୍ଜା କୁ ଦୀପ କ୍ଷୂର୍ଣ୍ଣ କରେ

ସେଥିପାଇଁ ନାରୀମାନେ ଜଳାନ୍ତି ଯେ ଘରେ 

ବହୁକାଳୁ ଆସୁଅଛି ଏହି ଦୀପାବଳୀ

କିଏ ପୂଜାକରେ ମାଁଙ୍କୁ କିଏ ଦିଏ ବଳି

କିଏ ଦୀପ ଜାଲେ ଏଠି କାହାର ସ୍ମୁତି ରେ

ଅପେକ୍ଷାରେ ଥାଏ କିଏ ବୋମାକୁ ଯେ ଘରେ

ୟାକୁ ଛାଡି କଥା ପ୍ରଥା ଅଛି ବହୁକାଳୁ

ଯାହାପାଇଁ ଆମ୍ଭେମାନେ ଦୀପ କୁ ଯେ ଜାଳୁ

କଥାଅଛି ସତ୍ୟଯୁଗେ ସମୁଦ୍ର ମନ୍ଥନ

ସେହି ଠାରୁ ମହାଲକ୍ଷ୍ମୀ କଲେ ପଦାର୍ପଣ

ପଦାର୍ପଣ କରି ମାତା ସମୁଦ୍ର ଦୁଲଣୀ

ବରଣୀ ସେ ନାରାୟଣ ହେଲେ ନାରାୟଣୀ

କଥାଅଛି ଦ୍ୱାପରର ବଂଶୀଧାରୀ ଙ୍କର

ଏହି ଦିନ ମାରିଥିଲେ ନରକାଅସୁର

କଥାଅଛି ତ୍ରେତୟାର ରାମ ପ୍ରଭୁ ଙ୍କର

ଲଙ୍କାର ରାବଣ ମାରି ଫେରିଥିଲେ ଘର

ଅଯୋଧ୍ୟା ରେ ଏହି ଦିନ ସକଳ ପରଜା

ଉଲ୍ଲାସରେ ଦୀପ ଜାଳି କରିଥିଲେ ପୂଜା

କଥାଅଛି କଳିଯୁଗେ ମହାଲକ୍ଷ୍ମୀ ଙ୍କର

ଭ୍ରମଣ ସେ କରିବାକୁ ଆସନ୍ତି ଏ ପୁର

ଏହିପରି ଭିନ୍ନ ମତ ଭିନ୍ନ ଲୋକଙ୍କର

ବାସ୍ତବ କଥାବସ୍ତୁ ଠୁ ସଭିଏଁ ଯେ ଦୂର 

ପ୍ରକୃତି ର କଥାକୁ ଯେ ନଭାବନ୍ତି ନର

ବୋମା ନିଆଁ ଧୁଆଁ ଶବ୍ଦେ କରେ ଛାରଖାର

ଦୀପ ଜାଳି ମନାଅ ଯେ ଏହି ଦୀପାବଳୀ

ସୁଖ ଶାନ୍ତି ଓ ସମୃଦ୍ଧି ଦିଅନ୍ତୁ ମାଁ କାଳୀ

ପ୍ରକୃତି କୁ ରକ୍ଷା କର ଆହେ ଗୁଣିଜନ

ବୋମା ତ୍ୟାଗୀ ବଞ୍ଚାଅ ହେ ଏପର୍ଯ୍ୟାବରଣ

ପ୍ରକୃତି ପ୍ରଦୂଷଣ ର ଆମେ ହିଁ କାରଣ

ସେଥିପାଇଁ ବହୁ ଶୀଘ୍ର ଯିବ ଆମ ପ୍ରାଣ

ପ୍ରାଣ ଯିବା ପୂର୍ବରୁ ଯେ ହୁଅ ସଚେତନ

ସଭିଏଁ ଯେ ରକ୍ଷାକର ଏ ପର୍ଯ୍ୟାବରଣ 

  ସଭିଏଁ ଯେ ରକ୍ଷାକର ଏ ପର୍ଯ୍ୟାବରଣ ।