ତୁମେ ଓ ମୁଁ

ତୁମେ ନୀଶିଥ ଅନ୍ଧାର ରାତି  

ମୁଁ ତୁମ ପାଖେ ଥିବା

ଅଚିନ୍ତା ନିଦ୍ରାରେ ମଳୟ

ତୁମେ ପୂଜା ପାଉଥିବା ମୂର୍ତ୍ତି  

ମୁଁ ଖାଲି 

ଶୀତେଇ କାକରବିନ୍ଦୁର

ଅପାସୋରା କଜଳ ଗାରଟି ।।।।

ତୁମେ ସ୍ମିତହାସ୍ୟ ମୃଦୁ ମଳୟ 

ମୁଁ ଯେ 

ଅମାବାସ୍ୟା ଅନ୍ଧାରର 

ଅମାନିଆ ଜୁଆର ଢେଉଟେ

ତୁମେ ସିନା ଚଇତାଳି 

ବସନ୍ତ ମଳୟ  

ମୁଁ ଫୁଟିଥିବା ମଲ୍ଲି ହେନା 

ମାଳତିର ବାସ୍ନା ।।।।

ତୁମେ ସାଗର ମୁଁ

ଅମାନିଆ ନଈ

ମୁଁ ଖାଲି ଦେହ ହେଲେ

ତୁମେ ମୋର ଛାଇ

ମୁଁ ସିନା ଅଭିମାନିନୀଟେ

ହେଲେ ତୁମେ କୁହ 

ଆମ ଏ ସମ୍ପର୍କ 

ଏ ସମୟେ କେଇ ମୁହୂର୍ତ୍ତର ।।।।