ଝଡ
ଝଡ
ଯଦି ତୁମେ ହୁଅନ୍ତ ଝଡଟିଏ
ଉଡାଇ ନିଅନ୍ତ ସବୁ
ଅସଜଡା, ମଳିନ, ଛିଣ୍ଡାକୋତରା
ବ୍ଯସ୍ତ ବିବ୍ରତ
ଅନାବନା ଭାବନାସବୁ ।
ସତରେ !
ତୁମେ ଯଦି ହୁଅନ୍ତ ଝଡଟିଏ
ମୋତେ ନେଇ ଫିଙ୍ଗିପାରନ୍ତ
ତୁମର ସେ ପ୍ରେମର
ଅଗାଧ ସମୁଦ୍ର ଭିତରେ ,
ମୁଁ ବୁଡି ବୁଡି ତୁମକୁ ହିଁ ଖୋଜୁଥାନ୍ତି
ମଜିଯାଇ ତୁମରି ନାମରେ ।
ସତରେ!
ତୁମେ ଯଦି ଝଡଟିଏ ହୋଇଥାନ୍ତ
ଉଡାଇ ପାରନ୍ତ
ନୀଳଆକାଶ ଭେଦି,
ମେଘସବାରୀରେ ବୁଲନ୍ତି ଆଉ
ଜହ୍ନ ତାରା ସାଙ୍ଗେ ଢେର୍ ଗପନ୍ତି
ଖାସ୍ ତୁମେ ଝଡଟିଏ ହୋଇଥାନ୍ତ!