ସିଧାକଥା -105 : କାହାଠାରୁ ଶିଖିବା ?
ସିଧାକଥା -105 : କାହାଠାରୁ ଶିଖିବା ?
ସହିବା ଶିଖିବା ମାଟି-ମାଆ ଠାରୁ ଚାଲିବା ଶିଖିବା ନଦୀ ଠାରୁ,
ଭାସିବା ଶିଖିବା ମେଘ ଠାରୁ ପୁଣି ନାଚିବା ଶିଖିବା ବର୍ଷା ଠାରୁ |
ହସିବା ଶିଖିବା ବିଜୁଳିକୁ ଦେଖି ଦାନ ଶିଖିନେବା ଗଛ ଠାରୁ,
କୁକୁର ଶିଖାଏ ବିଶ୍ଵସ୍ତ ହୋଇବା ପହଁରା ଶିଖିବା ମାଛ ଠାରୁ |
ବସିବା ଶିଖିବା ବାଜପକ୍ଷୀ ଠାରୁ ଧ୍ୟାନ ଶିଖିନେବା ବଗ ଠାରୁ,
ଦଉଡ଼ ଶିଖିବା ହରିଣଠୁଁ ପୁଣି ଶିକାର ଶିଖିବା ସିଂହ ଠାରୁ |
ଶୃଙ୍ଖଳା ଶିଖିବା ପିମ୍ପୁଡ଼ିଠୁଁ ପୁଣି ଡେଇଁବା ଶିଖିବା ବେଙ୍ଗ ଠାରୁ,
ଖାଇବା ଶିଖିବା ଅଜଗର ଠାରୁ ଶାନ୍ତି ଶିଖିନେବା ପାରା ଠାରୁ |
ପବନ ଶିଖାଏ ବାଣ୍ଟିବା କୌଶଳ ସଞ୍ଚୟଟି ମହୁମାଛି ଠାରୁ,
ଧନୀ ହେବା କଳା କୌଶଳ ଶିଖିବା ରତ୍ନାକର ମହୋଦଧି ଠାରୁ |
ମାନୀ ହେବା ଶିକ୍ଷା ଦେଇଛି ତୁଳସୀ ଜ୍ଞାନ ଶିଖିନେବା ଗୁରୁ ଠାରୁ |
ସବୁ ଶିଖିନେବା ସମାଜକୁ ଦେଖି ସବୁଶିକ୍ଷା ମିଳେ ପୁସ୍ତକରୁ |
