ନାରୀ ଜାଗରଣ
ନାରୀ ଜାଗରଣ
ନାରୀ ତେଜସ୍ୱିନୀ ତୁମେ ତପସ୍ଵିନୀ
ତୁମେ ସୀତା ତୁମେ ଲକ୍ଷ୍ମୀବାଈ
ତୁମେ ଶକ୍ତିମୟୀ ତୁମେ ସ୍ନେହମୟୀ
ଚୁପ୍ ରୁହ ଅବା କାହିଁ ପାଇଁ.... ?
କାହାର ଖୁସି ପାଇଁ ଆଖିର ଲୁହ ପିଇ
ଅସ୍ତିତ୍ୱକୁ ଦିଅନା ହରାଇ
ତୁମେ ନିର୍ବିକାରେ କାହାର କଥାରେ
ସ୍ୱପ୍ନକୁ ହରାଇ ଦିଅ ନାହିଁ..... ।
ସବୁ ପଛ କରି ବକ୍ଷରେ ଅନଳ ଭରି
ପ୍ରତିବାଦ କର ଆଗ
ଏହି ସମାଜରେ ତୁମ ଶକ୍ତି ପାଖରେ
ସବୁ ଶକ୍ତି ମାନିଯାଉ ହାର୍.... ।
ତୁମେ ଅବା କାହିଁ ସାଜ କ'ଣ ପାଇଁ
ଅବହେଳିତା ସବୁ କ୍ଷେତ୍ରରେ
ସାଜନି ଅବଳା ସାଜନି ଦୁର୍ବଳା
ଲଢ଼ି ଯା' ଅନ୍ୟାୟ ବିରୁଦ୍ଧରେ.... ।
ଯେ କରେ ଶୋଷଣ ଯେ କରେ ଧର୍ଷଣ
ଜମା ଛାଡ଼ି ଦିଅନି ଏମାନଙ୍କୁ
ଜାଳିଦିଅ ଥରେ ଆଖିର ନିଆଁରେ
ଆଜିର ଦୁଃଶାସନମାନଙ୍କୁ ..... ।
ତୁମ ପାଇଁ ସୃଷ୍ଟି ତୁମ ପାଇଁ ବିଳୟ
ସାଜିପାରେ ଯେ ଆଗ୍ନେୟ ଗିରି
ଜୀବନ ଯୁଦ୍ଧରେ ଆଗେଇ ଚାଲରେ
କଣ୍ଠେ ପ୍ରତିବାଦୀର ସ୍ୱର ଭରି.... ।
ତୁମେ ତ ଜନନୀ ତୁମେ ତ ଭଗିନୀ
ତୁମେ ତ ପ୍ରେମିକା ତୁମେ ତ ଜାୟା
କାହାକୁ ଡରନି ଜମାରୁ ହାରନି
ତୁମେ ତ ଶକ୍ତିରୂପା ନିର୍ଭୟା..... ।