ଲେଖ୍

ଶୁଣ୍

କ'ଣ ଆଉ କହିବି

ଏ ମନରୁ କହିବି ତ

ସେ ମନନ ହିଁ ତୁ

ହୃଦୟରୁ କହିବି ତ,

ଏ ଜୀବନ ହିଁ ତୁ

ଆଉ

ଏ ଇଚ୍ଛାରୁ କହିବି ତ

ଆବଶ୍ୟକତା ଵି ତୁ,

ଆଗ୍ରହରୁ କହିବି ତ

ସେ ଆଶ୍ରୟ ହିଁ ତୁ

ଭାବନାରୁ କହିବି ତ

ସେ ସ୍ମରଣ ଵି ତୁ

ପ୍ରାଣରୁ କହିବି ତ,

ସେ ପ୍ରମାଣ ହିଁ ତୁ

ତେଣୁ

କେମିତି କହିବି ମୁଁ

ଏ ମନ ଵି ତୁ,ମନନ ତୁ,

ହୃଦୟ ତୁ, ପ୍ରାଣ ଵି ତୁ

ଇଚ୍ଛା ଵି ତୁ, ଆଗ୍ରହ ତୁ,

ପରିଚୟ ଆଉ

ଚିନ୍ତନ,ସ୍ମରଣ ଯେତେ

ମାନ ଅଭିମାନ

ସେ ଅରମାନ ଵି ତୁ

ବାକି ଯାହା ଵି ଅଛି,

ଏ ଅନ୍ତର ଭିତରେ,

ହୃଦୟ ପୃଷ୍

Advertisement

ଠାରେ

ଥରେ ପଢିନେ ତୁ,

ଯାହା ଵି କହୁଛି

ନୀରବ ନିଃଶବ୍ଦେ

ଏ ଅଭ୍ୟନ୍ତର କଥା

ନ କହିକି କଣ,

ରହି ପାରୁଛି ମୁଁ

କହିଦେଲେ

ପୁଣି ଏ ଅନ୍ତର ଭାଷା,

ଅଦମ୍ୟ ଆକାଂକ୍ଷା,

ନିର୍ବିକାର ଚିତ୍ତେ ନାଁ,

ରହି ପାରୁଛି ମୁଁ

ଏ ଦରଦୀ ମନରେ

ଯାହା ଵି କହୁଛି,

ଜମା ମିଛ ନୁହେଁ,

ସବୁ ସତ ସତ,ହେଲେ

ସତରେ ମାନିଲେ ତୁ

ନ ମାନିଲେ ନାହିଁ, ଏ

ଅନ୍ତର ମନକୁ ବୁଝି

ପାରୁଥିଲେ ବୁଝିନେ ତୁ,

ଏ ହୃଦୟର କଥା,

ହୃଦୟେ କହୁଛି,

ତୋ ଅନ୍ତର ପ୍ରାଣରେ,

ନିଭୃତ କୋଣରେ

ଏ ମୋହିତ ଲିପିରେ

ଶୋଣିତ ଵକ୍ଷରେ

ଥରେ ଲେଖି ଦେ ତୁ।