Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Jayashree Das

Fantasy

4.1  

Jayashree Das

Fantasy

କୃଷ୍ଣଚୂଡ଼ାର ହସ

କୃଷ୍ଣଚୂଡ଼ାର ହସ

1 min
311


ମଧୁଶାଳାର ମାଧବୀ ଗୋ ତୁମେ,

  ଓଠେ କୃଷ୍ଣଚୂଡ଼ା ହସ

ଅଳସ ଆଖିରେ କଳସେ ସପନ,

  ମନକୁ କରଇ ବଶ ।


ଅୟୁତ ଯୁଗର ତୃଷ୍ଣl ଆଖିକୋଣେ,

  ଅଜନ୍ତା ଅଳସୀ କନ୍ୟା

ଚାଲିରେ ତୋହର ଫୁଟଇ କମଳ,

   ମାଡି ଆସେ ପ୍ରୀତି ବନ୍ୟା ।


ଚାନ୍ଦିନୀ ରାତିର ଚିକ ମିକ୍ ଜହ୍ନ,

 ଫିକା ଲାଗେ ତୋହ ଆଗେ

ଚାରୁ ଚନ୍ଦ୍ରlନନୀ ଲାବଣ୍ୟବତୀ ଗୋ,

  ପ୍ରେମ ଭିକ୍ଷା ତୋତେ ମାଗେ ।


ମନ ଉପବନେ ସାଜି ବନ ପକ୍ଷୀ,

  ଡେଣା ଝାଡ଼ିଦେଇ ଯାଆ

ଝରା କୃଷ୍ଣଚୁଡା ଲାଲିମା ରଙ୍ଗରେ,

  ଅଦିନେ ଚଇତି ବାଆ ।


ନିଶିବିଜନରେ ମଲ୍ଲୀର ବାସରେ,

  ତନ୍ଦ୍ରାଭରା ଜହ୍ନ ରାତି

ରାକା ରଜନୀରେ ବିରହୀ ଯକ୍ଷ ମୁଁ ,

   ଝୁରି ମରୁଥାଏ ନିତି ।


ହୃଦୟ ବେଳାରେ ମଥାପିଟୁଅଛି,

  ପ୍ରୀତି ଉର୍ମି ଅହରହ

ଶାମୁକା ଗୋଟାଇ ରଖିଛି ସାଇତି,

  ମୁକ୍ତା ହେବୁ କେବେ କହ ।


ବୟସ ନଦୀରେ ଉଜାଣି ବହୁଛି,

  ତୀରେ ହସେ କୃଷ୍ଣଚୂଡ଼ା

ଆସିବ ନିଦାଘ ଆସିଯା ପ୍ରିୟା,

  ନୋହିଲେ ମୁଁ ପତ୍ରଝଡା ।



Rate this content
Log in