Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Sadananda Sahoo

Tragedy

3.5  

Sadananda Sahoo

Tragedy

କ୍ରୀତଦାସ

କ୍ରୀତଦାସ

1 min
77


''କ୍ରୀତଦାସ ''

_______________________

କ୍ରୀତଦାସ ପ୍ରଥା ଭାରି ଘୃଣ୍ୟ କଥା 

   ବହୁ ପୁରାତନ ଗାଥା , 

ଇତିହାସ କହେ ଏଇ ଭାରତରେ 

   ବ୍ୟାପିଥିଲା ଏଇବ୍ୟଥା ॥ 


ପରାଧୀନ କାଳେ ଭାରତ ବର୍ଷରେ 

    ବିଦେଶୀଟା ଥିଲା କ୍ରୁର , 

ଗୋତି ଖଟୁଥିଲା ନିରୀହ ଜନତା 

     କଷଣ ଥିଲା ଅପାର ॥ 


ପିଠିକୁ ପ୍ରହାର ନଦେଇ ଆହାର 

    ଦେଉଥିଲା  ନିର୍ଯ୍ୟାତନା , 

ଗୋରା ବଣିକଟା ଥିଲା ସର୍ବେସର୍ବା

    ପ୍ରତିବାଦ ଥିଲା ମନା ॥ 


ସ୍ଵରଉତ୍ତୋଳନ ଯଦି କରେ ଜନ 

    ଗୁଳି କରୁଥିଲା ବିଦ୍ଧ , 

ପଶୁ ଠାରୁ ହୀନ ଥିଲା ଏ' ମଣିଷ 

   ସବୁ କ୍ଷେତ୍ରେ କଣ୍ଠରୋଧ ॥


ଯାତନା କବଳେ ଥିଲାସେ କଷଣେ 

    ଦୁଃଖ ଥିଲା ଚିରସ୍ଥାୟୀ , 

କ୍ରୀତଦାସ ବୋଲି ଜାଣିଥିଲା ସେହି 

    ବିଦେଶୀଟା କାଳଜୟୀ ॥ 


ଗଧ ଭଳି ଭାର କରେସେ ବହନ 

     ଆଖି ଲୁହ ଓଠେ ପିଇ , 

ତଥାପି ବେଦେଶୀ ବୁଝିଲାନି କିଛି 

    ମାଡ ମାରେ ଗାଳି ଦେଇ ॥ 


ବହୁଦିନ ପରେ ବିଦେଶୀ ପ୍ରସ୍ଥାନେ 

    କ୍ରୀତଦାସ ହେଲେ ମୁକ୍ତ , 

ବିନା ପାଉଣାରେ ଖଟୁଥିଲେ ଦାସେ 

    ବୁଦ୍ଧି ଥିଲା ସବୁ ସୁପ୍ତ ॥ 


ସଭ୍ୟ ସମାଜରେ ଦୃଶ୍ୟମାନ ହୁଏ 

     ଆଜିବି କୁତ୍ସିତ ପ୍ରଥା , 

ଦୁର୍ବଳ ଉପରେ ଅତ୍ୟାଚାର ବଢେ 

     ବିଶ୍ବାସ ତୁଟାଏ ଆସ୍ଥା ॥ 


ଶ୍ରମିକ ପାଉଣା ହୁଏ ବାଟବଣା 

    ଦୃଶ୍ୟମାନ ହୁଏ ଚିତ୍ର , 

ଅଧୁନା ସମାଜ କରେ ବ୍ୟଭିଚାର 

    ସୁଶାସକ ନୁହେଁ ମିତ୍ର ॥ 


ନିରୀହ ଶ୍ରମିକ ଆଜିବି ଚେଷ୍ଟିତ 

    ପାଇବାକୁ ଶ୍ରମମୂଲ୍ୟ , 

ଧୋବ ଧାଉଡିଆ ବାବୁ ଅମାନିଆ 

    କରେ ଖାଲି ମୂଲଚାଲ ॥ 


କ୍ରୀତଦାସ ପ୍ରଥା କଦାକାର କଥା 

    ଆଜିବି ଉଠେ ଝଲସି , 

ନିତିଦିନ ଉଠେ ଖବର କାଗଜେ 

     ଶ୍ରମିକ ପାରୁନି ହସି ॥ 



Rate this content
Log in