କଳ୍ପନା

କଳ୍ପନା ଏକ ଅହେତୁକ ଭାବନା,                         

ଭାବାତ୍ମକ ଉପସ୍ଥାପନା,

କେବେ ସତ କେବେ ମିଛ ହୁଏ,                             

ନିଶ୍ଚିତ କହିହୁଏନା |

କଳ୍ପନା ଏକ ବିସ୍ତୃତ ବିଡମ୍ବନା,                       

ପ୍ରତାରଣା ପୂର୍ଣ୍ଣ ଲାଞ୍ଚ୍ଛନା,

ଅବିଶ୍ୱାସନୀୟ ଚିନ୍ତାଧାରାର,                            

ଅମଳିନ ଛୋଟ ଯନ୍ତ୍ରଣା |

ଏଇ କଳ୍ପନା ନୁହେଁ ସତ,                                

ଶତ ଓ ପ୍ରତିଶତ,   

ବାସ୍ତବର ନିକଟ,

ଅଭିପ୍ରାୟ ଆଶ୍ଚର୍ଯ୍ୟାନ୍ୱିତ |   

ରାଜା ଦ୍ରୁପଦଙ୍କ ସେ ଥିଲେ କଳ୍ପନା,                     

ଯଜ୍ଞ କୁଣ୍ଡରୁ କଲେ ଉଦ୍ଭାବନା    

ଯlଜ୍ଞସେନୀ ସେ ଯଜ୍ଞ ଜନ୍ମା,                       

କଲେ ମହାଭାରତ ଉତ୍ପନା |       

କୁନ୍ତୀ କରି ନ ଥିଲେ କଳ୍ପନା,                      

ଦାନବୀର ହେବେ କାନ ଜନ୍ମା,      

ପାଞ୍ଚଭାଇଙ୍କୁ ନିର୍ଭୟ ଦେଇ,                     

ଜୀବନକୁ କଲେ ତୁଚ୍ଛ ମନା |       

କଂସ କରି ନ ଥିଲା କଳ୍ପନା,                       

ସବୁଛୁଆ ମାରି,ମୃତ୍ୟୁକୁ ଦେଲା ଛାଡି,

କେଉଁଠାରେ ତାର ମୃତ୍ୟୁ ଥିଲା ବଢ଼ି,                 

ମରିଲା ସେ ନିଜେ, ଧନୁଯାତ୍ରା କରି |    

ସୀତା କରି ନ ଥିଲେ କଳ୍ପନା,                     

ଜୀବିତ ମୃଗ ହେଲା ସୁନା,         

ମାୟା ବଳେ ପଡ଼ି, ରାମ ଗଲେ ଭୁଲି,                

ନିଜ ଜିଦ ଯୋଗୁଁ ହେଲେ ହରଣା |     

କଳ୍ପନା କରି ନ ଥାଏ ମାଆ,                      

କେମିତି ହେବ ତାର ଛୁଆ,         

ନିଜ ରକ୍ତ ମାଂସ ଶରୀର ସିନା ଦେବ,                

ଭୋଗିବ ଯାହା ତା କର୍ମେ ଲେଖା |   

କେବେ କରିଛକି ନାରୀ କଳ୍ପନା,                  

କେବେ ଗେଲ୍ଲୀ ଝିଅ, କେବେ ବୋହୂ,    

କେବେ ପତ୍ନୀ, ମାଆ ରୂପେ,                      

ବହୁ ଦୁଃଖ ସହେ ସେହୁ |        

ଯେତେ ଦିନ ଯାଏ ଥିବ ଜୀବନ,                     

କଳ୍ପନାର ନ ହେବ ବିଲୀନ,      

ସେଇ କଳ୍ପନାର ପ୍ରତେ,

ଏ ଜୀବନ ସ୍ରୋତେ,              

ବଢ଼ିଯିବା ଆମେ ହୋଇ ଏକମନ |