ଜୀବନ ଗପ ଲେଖିଲି ବସି ହୋଇଲା ଉପନ୍ୟାସ

ଜୀବନ ଗପ ଲେଖିଲି ବସି ହୋଇଲା ଉପନ୍ୟାସ

ହସର କେତେ ଚରିତ୍ର ଆସି

           ଲୁହରେ ମୋତେ ତିନ୍ତାଇ ବେଶି

                   କରିଲେ ଉପହାସ

ଜୀବନ ଗପ ଲେଖିଲି ବସି 

                 ହୋଇଲା ଉପନ୍ୟାସ । ୦ ।

ଉପନ୍ୟାସର ବିଷୟ ବସ୍ତୁ ଖୋରାକ ହେଲି ନିଜେ

ଦୋଷ ନ ଥାଇ ଦୋଷୀରେ ଗଣା ନଜର ପଡ଼େ ସଜେ

ପୁଣ୍ୟର ଜଣେ ମଣିଷ ନୁହେଁ ପାପର କ୍ରୀତଦାସ

ଜୀବନ ଗପ ଲେଖିଲି ବସି 

                 ହୋଇଲା ଉପନ୍ୟାସ । ୧ ।

ଆଲୋକ ଟିକେ ପାଇଲା ମାତ୍ରେ ଭିତିରି ଖୋଲେ ପୃଷ୍ଠା

ବିଶ୍ବାସ ନୁହେଁ ସନ୍ଦେହ ଘୃଣା ହରାଏ ମୁଁଯେ ନିଷ୍ଠା

ଉପନ୍ୟାସର ନାୟକ ଭାବେ ଅଯୋଗ୍ୟ ଅବସୋସ

ଭାଗ୍ୟର ହାତେ ଲେଖକଗିରି ନିନ୍ଦାର ଅବଶେଷ

ଜୀବନ ଗପ ଲେଖିଲି ବସି 

                 ହୋଇଲା ଉପନ୍ୟାସ । ୨ ।