ଇଚ୍ଛା

ଭିଜିବାକୁ ଇଚ୍ଛା

ତୁମ ସେଇ ସ୍ବପ୍ନିଳ ଆଖିର

ନିଦୁଆ ଚାହାଣୀ ରେ

ପୁଣି ଥରେ ନିଜକୁ

ଭିଜେଇ ଦବାକୁ ଇଚ୍ଛା ।

ହଜିିବାକୁ ଇଚ୍ଛା

ତୁମ ଆଖିର ପ୍ରତିଟି ପଲକରେ

ଟୁପ୍ ଟାପ୍ ବର୍ଷା ଟୋପା ଭଳି

ମୁହୂର୍ତ୍ତକେ ମିଳେଇ ଯାଇ

ପୁଣି ଥରେ ନିଜକୁ

ହଜେଇ ଦବାକୁ ଇଚ୍ଛା ।

ଲୁଚିବାକୁ ଇଚ୍ଛା

ଉଦିତ ସୂର୍ଯ୍ୟର କିରଣରେ

ତାରକା ଆଲୋକ ସମ

ତୁମ ବାହୁ ବନ୍ଧନରେ

ଅଚିିନ୍ତ ରେ ନିଜକୁ

ଲୁଚେଇ ଦବାକୁ ଇଚ୍ଛା ।

ରହିବାକୁ ଇଚ୍ଛା

ନାଲି କୁଙ୍କୁମ ନାଲି ଓଢଣୀରେ

ନୂଆବୋହୂ ବେଶ ହେଇ

ହୃଦୟରେ ହୃଦୟକୁ ଛନ୍ଦି

ପ୍ରତି ପାଦ ତୁମ ସାଥୀ ରେ

ସାଥୀ ଟିିଏ କରି ନିିିଜକୁ

ତୁମ ସାଥେ ରହିବାକୁ ଇଚ୍ଛା ।