ലൈബ്രറി
പ്രൊഫൈൽ
ଈଶ୍ୱର
ଈଶ୍ୱର
1 min
171
ଦେଖିଛି ମୁଁ ଈଶ୍ୱରଙ୍କୁ
ଅବିଶ୍ୱସନୀୟ
କିନ୍ତୁ କଥାଟା ସତ !
ତାଙ୍କ କାଦୁଅ ବୋଳା ପାଦ ସହ
ଘରକୁ ଫେରିଥିବା
କଂସାରେ ଅଧା ଭାତ ।
ପାଇଛି ମୁଁ ଈଶ୍ୱରଙ୍କୁ
ଅତି ନିକଟରେ,
ମିଛ ନୁହେଁ କଥା !
ମୁଢ଼ି ମୁଠେ ଧରିଲା ବେଳେ
ସାତ ସିଆ ତାଙ୍କ
ବରଷ ଯାକର ଗୋଟିଏ ହିଁ
ଚିରା ଗାମୁଛା !
ଅନୁଭବ କରିଛି ଈଶ୍ୱରଙ୍କୁ
ଭଲରେ - ମନ୍ଦରେ,
ଏକୋଇ ପ୍ରକଟିତ !
ମେଳା ମଉଛବରେ ସବା ଉଚ୍ଚା କରି
କାନ୍ଧରେ ବସେଇ ମୋତେ
ଧରିବାର ଦୁଇ ହାତ !
ଜାଣିଛି ମୁଁ କଷ୍ଟ କୁ ତାଙ୍କର
ଅବ୍ୟକ୍ତ
ମାତ୍ର କଥାଟା ସତ !
ଆଖି କୋଣରେ ଜକଉ ଥିବା ଲୁହକୁ
ଲୁଚେଇ ପୋଛୁଥାଏ -
ବଧିରା ଦୁଇ ହାତ !
