ଜୀବନ ଯୁଦ୍ଧ

ଅପେକ୍ଷାର ଅନ୍ତ, ନା ଆଶାର ସମାପ୍ତି

ଜାଣି ହେଉନି ।

ଜୀବନ ଛକରେ ରାସ୍ତାର ସନ୍ଧାନ

ଖୋଜି ପାଉନି ।

ଛାତିରେ କୋହ ଅଛି କିନ୍ତୁ

ଆଖିରେ ଲୁହ ନାହିଁ ।

ଆଖିରେ ଲୁହ ନାହିଁ ,ଓଠ ହସୁଛି

କିନ୍ତୁ ନୁହେଁ ସେ ହସ ନିଜ ପାଇଁ ।

ଲକ୍ଷ୍ୟ ସାଜିଛି ମରୀଚିକା

ସ୍ବପ୍ନ ପାଲଟିଛି ଛାଇ

ଅସ୍ତିତ୍ଵ ଯାହାର ହେଇ ଅଛି ହେଇ ନାହିଁ ।

ଜାଣିଛି ଭାଗ୍ୟକୁ ନିନ୍ଦିବା ମୂର୍ଖାମି

କର୍ମଫଳକୁ ଅପେକ୍ଷା କରିବା ବୋକାମି

ତଥାପି କରୁଛି ମୁଁ ସେ ପାଗଳାମୀ ।

 

ହାରିଗଲି ନା ଜିତିବାର ଚେଷ୍ଟା ଛାଡ଼ିଦେଲି

କିଛି ପାଇଲି ନା ସବୁ ହରେଇଦେଲି

ଏ ପ୍ରଶ୍ନ ଏବେ ନିଜକୁ ପଚାରିବା ଛାଡ଼ିଦେଲି।

ଶେଷରେ ଜୀବନ ଗୋଟେ ଯୁଦ୍ଧ

ମୁଁ ଛୋଟ ଗୋଟେ ଯୋଦ୍ଧା

ବାସ୍ ଏଇ କଥା ମୁଁ ମାନିନେଲି।