ପାଗଳ

ପାଗଳ!!!!

ଏକ ଆଖ୍ୟା ନା ବ୍ୟାଖ୍ୟା

ସଂଜ୍ଞା ନା ସମ୍ବୋଧନ 

ଭର୍ତ୍ସନା ନା ବୟାନ

ମୁଁ ଜାଣେନା।

ବିବିଧତା ସମାଜରେ

ତାର ପରିଚୟ ଭିନ୍ନ 

କେବେ ବିଚଳିତ ବାର୍ଦ୍ଧକ୍ୟ

ତ କେବେ ଅଶାନ୍ତ ଯୌବନ

ରାଜପଥ କଡ

ସୁଦୂର ପାହାଡ 

ମା'ର ହୃଦୟ 

ପ୍ରେମିକା ର ମନ

ଇତ୍ୟାଦି ତା ବାସସ୍ଥାନ

ଅପ୍ରସ୍ତୁତ କେଶକୁ

ଅସ୍ୱସ୍ତିକର ବେଶ

ଚିତ୍ରକର ତୂଳୀରେ 

ପାଗଳର ଦୃଶ୍ଯ 

ବୁଝି ହୁଏନି ତା କୋହ

ଦେଖି ହୁଏନି ତା ଲୁହ

ନ ଜାଣି ବାସ୍ତବ କାରଣ 

ଏ ସମାଜେ ହୁଏ ବାରଣ

ପାଗଳ ମମତାର ଡାକ ନାଁ

ମା'ର ଉଦବିଗ୍ନ ରାହା

ପ୍ରଣୟର ଶେଷ ସୀମା 

ପ୍ରେୟସୀ ହୃଦୟ ଗାରିମା