ମୋ ବୁଢା ବାପା
ମୋ ବୁଢା ବାପା
ତୁମେ ସୁନେଲି ଆକାଶର
ଅଟ ଜହ୍ନ ତୋଫା
ଅଟ ବହଳ ଅନ୍ଧାର ରାତି ର
ତୁମେ ଦୀପ ଶିଖା
ମୋ ଅଦେଖା କୁହୁଳା ମନର
ଅଟ ସାଇତା ଲଫାପା
ତୁମ ବିନା ନିରାଶା ଏ ବାଟ
ଲାଗେ ଫିକା ଫିକା
ବାପା ମୋ ବୁଢ଼ା ବାପା ।
ଏ ଆଖି ଦେଖିନି କେବେ
ତୁମ ଆଖି କାନ୍ଦିବା
ଛାତିର କୋହକୁ ଚାପି
ଓଠରେ ହସ ରଖି
ଶିଖେଇଛ ହସିବା
ବାପା ମୋ ବୁଢା ବାପା ।
ଛାତିକୁ ପଥର କରି
ସତ୍ୟର ପଥରେ
ଶିଖେଇଚ ଚାଲିବା
ଦେଖିଚି ମଣିଷଟିକୁ
ସ୍ନେହକୁ ବାଣ୍ଟୁ ବାଣ୍ଟୁ
ଦୁଃଖର ଗରଳ ପିଇଯିବା
ବାପା ମୋ ବୁଢା ବାପା ।
ତୁମେ ଢୁ ଢୁ କାଳ ବୈଶାଖୀ ର ଛତା
ତୁମେ ହାଡ ଭଙ୍ଗା ଶୀତର ଉଷ୍ମତା
ତୁମ ମଳୟ ପରସ ଲାଗେ ଭାରି ମିଠା
ତୁମେ କଠିନ ସ୍ଥିତି ବେଳେ
ସହଜ ସୂତ୍ରର ନିଶାଣତା
ବାପା ମୋ ବୁଢ଼ା ବାପା ।