ଧ୍ୟାନ ଦିଅ ଜପ ତପରେ
ଧ୍ୟାନ ଦିଅ ଜପ ତପରେ
ଆଜିକାଲି ଦେହ ଭଲ ରହୁନି ମୋ
ଥକା ପଣ ଭାରି ଲାଗୁଚି
ସେଥିପାଇଁ ଟିକେ ଡ଼ାକତର ଖାନା
ବୁଲିଆସିବାକୁ ଭାବୁଚି ll
ଡ଼ାକତର ଖାନା ଚାଲିଗଲି ଦିନେ
କହିଲି ଡ଼ାକତର ବାବୁ
ଏମିତି ଓଷଧ ଦିଅ ବେଗେ ମୋତେ
ସମୂଳେ ନାଶ ହଉ ରୋଗ ସବୁ ll
ମଟ ମଟ କରି ଚାହିଁଲେ ସଭିଏଁ
ରୋଗୀ ସଙ୍ଗେ ଡ଼ାକତର
ଜାଣିପାରିଲେନି କେମିତିକା ରୋଗୀ
କୋଉ ଚିକିତ୍ସା କରିବେ ମୋର ll
ଡ଼ାକତର ବାବୁ ଉତ୍ତରେ କହିଲେ
ଶୁଣ ଆହେ ବାଞ୍ଛାନିଧି
ରୋଗର ଲକ୍ଷଣ ସବୁ ମୋତେ କୁହ
କରି ସବୁ ଟିକିନିଖି ll
ପ୍ରଶ୍ନ ତାଙ୍କ ଶୁଣି ଉତ୍ତର ମୁଁ ଦେଲି
ଖାଉଛି ମୁଁ ପେଟ ଭରି
ହେଲେ ସଠିକ ସମୟେ ଭୋକ ଲାଗୁନାହିଁ
ମନବିଚଳିତ ହୁଏ ଭାରି ll
ଦିନ ରାତି ମିଶି 24 ଘଣ୍ଟାରୁ
ଶୋଉଚି 20 ଘଣ୍ଟା
ହେଲେ ଅଧା ରାତି ଟାରେ ନିଦ ଭାଙ୍ଗିଯାଇ
ହଉଚି ମୁଁ ହଟହଟା ll
ଦିନକ ଭିତରେ ଡାଟାର ରିଚାର୍ଜ
ଦୁଇଥର କରାଉଛି
ତଥାପି ହସ୍ପଟ ଉଦ୍ଧାର ଆଣିକି
ସୋଇଆଲମିଡ଼ିଆ ରେ ଆଟିଭ ରହୁଛି ll
କିଛି କ୍ଷଣ ପାଇଁ ମୋଠାରୁ ଯଦିଓ
ଫୋନ ହେଇଗଲା ଦୂର
ବିଳି ବିଳି ହେଇ ଖୋଜି ବୁଲୁଥାଏ
ସତେ ଅର୍ଦ୍ଧାଙ୍ଗିନୀ ଅବା ମୋର ll
ସବୁକିଛି ଶୁଣି ମୁରୁକି ହସିଲେ
ନର୍ସ ସାଥେ ଡ଼ାକତର
ନୀରବେ କହିଲେ ଏ କେମିତିକା ରୋଗ
ମୁଁ ବି ଜାଣିନି ଚିକିତ୍ସା ୟାର ll
ଆହେ ବାଞ୍ଛାନିଧି ଏତିକି କହିବି
ସେମିତି ହେଇନି ତୁମର କିଛି
କିଏସେ ପିଚାଷି ତୁମ ପରେ ଆଣି
ଦେଇଛି ମନ୍ତୁରା ପାଣିକି ଛିଞ୍ଚି ll
ସେ ମନ୍ତୁରା ପାଣି ପ୍ରେମର ଡାହାଣୀ
ଗ୍ରାସିଚି ତୁମ ଉପରେ
ଏଇ ବୟସରେ ପ୍ରେମ ନିଶା ଛାଡି
ଧ୍ୟାନ ଦିଅ ଜପ ତପରେ....
ଧ୍ୟାନ ଦିଅ ଜପ ତପରେ...... ।