କବିତା ଆଳାପ-02 :ଶିକ୍ଷକ : -ଡକ୍ଟର କୃତ୍ତିବାସ ନାୟକ
କବିତା ଆଳାପ-02 :ଶିକ୍ଷକ : -ଡକ୍ଟର କୃତ୍ତିବାସ ନାୟକ
ବିଦେଶକୁ ଗଲେ ବିଦେଶୀ ହୁଅନ୍ତି ଚାକିରୀ କରେ ଯେ ଚାକର,
ଚାକିରୀ କରି ମୁଁ ଶିକ୍ଷକ ହୋଇଛି ଲୋକେ କହୁଛନ୍ତି ମାଷ୍ଟର |
ମାଷ୍ଟର ମାଷ୍ଟର ଡାକିଲେ ଆଗରୁ ଲାଗୁଥିଲା ଭାରି ଖରାପ,
ମାଷ୍ଟରର ଅର୍ଥ ମାଲିକ ଜାଣିଲି ହୃଦୟରେ ଫୁଟେ ଗୋଲାପ |
ଧନୀ ମାନୀ ଜ୍ଞାନୀ ଯେତେସବୁ ଗୁଣୀ ଅଚାନ୍ତି ସମାଜେ ଆମର,
ସଭିଙ୍କର ପିଲା ହେଲେ ମୋର ଚେଲା ମୁହିଁ ଗୁରୁଦେବ ତାଙ୍କର |
ପୁସ୍ତକରେ ସବୁପାଠ ଲେଖା ଅଛି ତାକୁ ପଢିଦେଲେ ହେଲା,
ମାନେବହି ଏବେ ବଜାରରେ ମିଳେ ପିଲା ଦେଖିଦେଲେ ଗଲା |
ବର୍ଷକୁ ତ ଅଧା ଛୁଟି ମିଳେ ମୋତେ ଦରମାରେ ହାତ ବାଜେନି,
ଟିଉସନ କରେ ବସି ନିଜ ଘରେ ମାଡ଼ ଦିଏ ଯିଏ ବୁଝେନି |
ମାଡ଼ ମାରିବାକୁ କେଉଁ ଚାକିରୀରେ ଅଧିକାର ନାହିଁ କାହାର,
ଦଣ୍ଡମୁକ୍ତ ସିନା ବିଦ୍ୟାଳୟ ହେଲା ଅଧିକାର ଅଛି ଆମର |
ଶିକ୍ଷକ ହେବାରୁ ଘରେ ଓ ବାହାରେ ମୋତେ ଡାକୁଛନ୍ତି ସାଆରେ,
ପୁରାତନ ଛାତ୍ର ତାଙ୍କ ବାପା-ମାଆ ଇଜ୍ଜତ ଦିଅନ୍ତି ବାହାରେ |