ଲାଇବ୍ରେରୀ
ପ୍ରୋଫାଇଲ୍
ପାରିବାରିକ କଳହ
ପାରିବାରିକ କଳହ
ଶାଶୁ-ବୋହୂ ଦିନେ ଲାଗିଲେ କଳି
ଶାଶୁ ବୋହୂକୁ ଦେଲା ଅନେକ ଗାଳି
ବୋହୂ କହିଲା ଶାଶୁକୁ ଦେଖ ରଗାନି ମୋତେ
କଥା କୁହ ତୁମେ ମୁହଁ ସମ୍ଭାଳି ।
ଶାଶୁ କହିଲା- ମୁଁ କି ଡରିଛି ତୋତେ
ତୁ କଣ ମୋ ସ୍ୱାମୀର ଶାଳୀ ।
ବୋହୂଚାହିଁଲା ଆଖିତରାଟି କହିଲା ଚିହ୍ନିନୁ ମୋତେ
ମୁଁ ଅଟେ ପୂରା କଞ୍ଚା ବାସୁଳୀ ।
ତା'ପରେ କହିଲା ଶାଶୁ ରଖ ତୋ ରୂପ ଦେଖାନି ମୋତେ
ମୁଁ ବି ପୂରା ଉଦଣ୍ଡୀ କାଳୀ ।
ତୋ ଚଉଦ ପୁରୁଷ ଦେବି ଉଝାଳି
ବିକି ଖାଉଥିଲ ତେନ୍ତୁଳି କୋଳି ।
ଦେଖାଉଛୁ ମୋତେ ରୂପ ବାସୁଳୀ
ଦେବି ପୂରା ତୋତେ ଜିଅନ୍ତା ଗିଳି ।
ପୋଡି ମାରିଦେବି କିରାସିନି ଢାଳି
ତା'ପରେ ଜାଣିବୁ ମୁଁ କିଭଳି ।
ତା'ପରେ ବୋହୂର ମୁଣ୍ଡକୁ ଉଠିଲା ପିତ୍ତ
ଝାଡିଲା ବୁଢୀକି ଦି ଚାରି ନାତ ।
କହିଲା ଭାବନା ମୋତେ ନିରୀହ ବୋଲି
ତୋ ଠାରୁ ମୁଁ ବେଶୀ ନଙ୍ଗିଳୀ ।
ଜାଣିବେନି କେହି ମାରିଦେବି ତୋତେ କବାଟ କିଳି
ଏହା କହି ବୁଢୀ ଉପରେ ଗରମ ପେଜକୁ-ଦେଲା ସେ ଢାଳି ।
ବୁଢୀ କାନ୍ଦିଲା ଛାଡି ବୋବାଳି
କହିଲା ହେ ଦଇବ ଏତ ଘୋର କଳି
ନେଇଯାଅ ମୋତେ ହେ ବନମାଳୀ
ହେ ପ୍ରଭୁ ଏତ ଘୋର କଳି .............।।
