କଳାଠାକୁର
କଳାଠାକୁର
କଳାଠାକୁର ଆହେ କଳାଠାକୁର
କିପରି ବର୍ଣ୍ଣିବି ମୁଁ ଗୁଣ ତୁମ୍ଭର ,
ମୁହିଁ ତ ଗୋଟାଏ ଛୋଟିଆ ନର
ତୁମ୍ଭେ ଅଟ ଆମ୍ଭ କଳାଠାକୁର ।
ନୀଳ ସିନ୍ଧୁ ତୀରେ ତୁମ୍ଭରି ଘର
ଘରର ନାମଟି ବଡ ମନ୍ଦିର ,
ଭାଇ ଭଉଣୀଙ୍କୁ ଧରି ସଙ୍ଗରେ
ଲୀଳା କରୁଅଛ ନୀଳାଚଳରେ ।
ରଥଯାତ କରି ବଡ ଦାଣ୍ଡରେ
ଉଦ୍ଧାର କରୁଛ ପତିତ ନରେ ,
ନଅ ଦିନ ରହି ମାଉସୀ ଘରେ
ପୂଜା ପାଅ ତୁମ୍ଭେ ଜନ୍ମ ବେଦୀରେ ।
ତୁମ୍ଭ ପୂଜା ସେବା କରିବା ପାଇଁ
ପଣ୍ଡା ପଢିହାରି ଥାଆନ୍ତି ଚାହିଁ ,
ବାର ମାସେ ତେର ପରବ ହୁଏ
ଭକତଙ୍କ ଆତ୍ମା ଆନନ୍ଦ ପାଏ ।
ତୁମ୍ଭ ଅବଢା ଟିକେ ପାଇବା ପାଇଁ
ଚାତକ ସମ ଭକ୍ତ ଥାଏ ଅନାଇ ,
ଷାଠିଏ ପଉଟି ମହାପ୍ରସାଦ
ଖାଇଥାଏ ଭକ୍ତ ହୋଇ ଆନନ୍ଦ ।
ତୁମ୍ଭ ପାଶେ ନାହିଁ ଜାତି ଅଜାତି
ନଥାଏ ପୁଣିତ ଛୁଆଁ କି ଛୁତି ,
ଚଣ୍ଡାଳ ବ୍ରାହ୍ମଣ ଏକତ୍ର ହୋଇ
ନାଚିଥା'ନ୍ତି ତୁମ୍ଭ ଭଜନ ଗାଇ ।
ତୁମ୍ଭ ନାମ ଅଟେ ସଂସାର ସାର
ପାପୀ ତୁଣ୍ଡେ ଧରି ହୁଏ ଉଦ୍ଧାର ,
ତୁମ୍ଭର ମହିମା ଅଟେ ଅପାର
ସଭିଙ୍କର ତୁମ୍ଭେ "କଳାଠାକୁର" ।।