ଅହଙ୍କାର
ଅହଙ୍କାର
ଅହଙ୍କାର ଅଟେ ମନୁଷ୍ଯ ଜୀବନେ
ଗୋଟିଏ ପରମ ଶତ୍ରୁ,
ତା'କୁ ଯେଉଁ ନର ଆପଣାଇ ଥାଏ
ଅକାଳେ ବରେସେ ମୃତ୍ଯୁ ।
ମୁଁ ଆଉ ମୋର କହି କହିକି ଆମେ
ଉଡାଉ ଆମରି ବାନା,
ସଭିଙ୍କ ସମ୍ମୁଖେ ଦେଖେଇବା ଲାଗି
କରୁ ଅନେକ ଯୋଜନା ।
ଆଉ କେହି ନାହିଁ ମୋର ଠାରୁ ବଡ
ମୁହିଁତ ଅଟେ ଗରିଷ୍ଠ ,
ମୋର ଠାରୁ ଏଠି ସଭିଏଁ ତ ଛୋଟ
ସର୍ବେ ଅଟନ୍ତି କନିଷ୍ଠ ।
ଏହିପରି ବୁଝେ ଅହଙ୍କାରି ଜନ
ଗର୍ବ ରଖିସେ ମନରେ ,
ଖାତିର୍ କରେନି ଅନ୍ଯ କାହାକୁ ସେ
ନିଜ ବୁଦ୍ଧି ଅଭାବରେ ।
ମନୁଷ୍ଯ ପାଇଁକି ଶୁଭଙ୍କର ନୁହେଁ
ଗର୍ବ ଆଉ ଅହଙ୍କାର ,
ପୋଡି ଜଳି ସିଏ ପାଉଁଶ ହୋଇବ
ସବୁ ହେବ ଛାରଖାର ।
ଧନ ଜନ ବଳ ସବୁତ ଅସାର
ବିଭୁଙ୍କ କୃପା ନଥିଲେ ,
ଅହଙ୍କାର ଛାଡି ସରଳ ହୋଇଲେ
ବିଭୁ କୃପା ଦେବେ ଭଲେ ।