ହାପ୍ ପ୍ଯାଣ୍ଟ (ରମ୍ଯ କବିତା)

ହାପ୍ ପ୍ଯାଣ୍ଟ ଏବେ ସଭିଙ୍କ ପ୍ରିୟ

ବାପା ସହ ପୁଣି ପିନ୍ଧଇ ପୁଅ ।

ଗୋସାପ ପିନ୍ଧେ ଲାଜେଇ ଲାଜେଇ 

ନାତୁଣୀ ପିନ୍ଧେ ଛାତିକୁ ଫୁଲେଇ ।

ଶାଶୁ ସଙ୍ଗେ ବୋହୂ ହୁଅଇ କଥା 

ମୋ କଥା ଟିକିଏ କରନ୍ତୁ ଚିନ୍ତା ।

ଶାଢୀ ସାୟା ଲାଗେ ଭାରି ଅଡୁଆ 

ହାପ୍ ପ୍ଯାଣ୍ଟ ସତେ ଭାରି ବଢିଆ ।

ଉପରେ ଖଣ୍ଡିଏ ଟି-ସାର୍ଟ ହେଲେ 

ଅନେକ ପଇସା ବଳିବ ଭଲେ ।

ବାରମ୍ବାର ଶାଢୀ ସଜଡା ପାଇଁ 

ସମୟ ନଷ୍ଟ ଯେ ହୋଇବ ନାହିଁ ।

ପବନ ବାଜିବ ଗୋଡ ହାତରେ  

ସବୁ କାମ ହେବ ଥଣ୍ଡା ମନରେ ।

ଘରକୁ ଅତିଥି ଆସିବେ ଯଦି 

ଶାଢୀକୁ ଗୋରାଇ ଦେବି ଜଲଦି ।

ମୁଣ୍ଡରେ ଓଢ଼ଣୀ ପକାଇ ଦେଇ

ଠାକୁରଙ୍କ ପୂଜା କରିବି ମୁହିଁ ।

ତୁମ ପୁଅ ସାଥେ କଥା ହୋଇଛି

ଆଣି ଦେବେ ତାଙ୍କ ଇଚ୍ଛା ତ ଅଛି ।

ବାପାଙ୍କୁ ତୁମେ ଦେବ ବୁଝାଇ  

ସବୁକୁ ଧରିଲେ ଚଳିବ ନାହିଁ ।

ସବୁ କଥା ଶୁଣି ଶାଶୁ ବୁଢିଟୀ 

ବୋହୂକୁ ଚାହିଁଲା ଆଖି ତରାଟି ।

କରିପକା ଯାହା ଇଚ୍ଛା ହଉଛି 

ମୋର କଥା ଏଠି କିଏ ମାନୁଛି ।

କହିଲେ କହିବ ବେଶୀ କହୁଛି 

ତୋ ବାପର କ'ଣ ହେଇ ଯାଉଛି ।

ଦେହକୁ କେହିବି ନେବେନି ଜମା 

ଭୁଲ୍ ଥିବ ଯଦି କରିବେ କ୍ଷମା ।