ଆସିଛି ନୂଆ ବରଷ

କେତେ ଆଶା ନେଇ କେତେ ବାର୍ତ୍ତା ନେଇ 

     ଆସିଛି ନୂଆ ବରଷ, 

 ହସିବ ଧରଣୀ  ଦୂର ହେବ ସବୁ 

   ରୋଗ,ଶୋକ, ଦୁଃଖ କ୍ଳେଶ ।

ଚଳିତ ବର୍ଷରେ ସହିଲୁଣି ଆମେ 

   ଅନେକ ଦୁଃଖ ଯାତନା ,

ହେ ନୂଆ ବରଷ ଦେବନାହିଁ ଆଉ

   ସେଭଳି କଷ୍ଟ ତାଡ଼ନା ।

ତୁମ ଆଗମନ ଚାହିଁ ବସିଥିଲେ

   ଲକ୍ଷ ଲକ୍ଷ ପ୍ରାଣୀ ରାଶି ,

କରୁଣା ଚିତ୍ତରେ ସବୁ ହସ ଖୁସି 

   ଦେବ ଯେ ତୁମେ ବରଷି ।

କେତେ ଭୋଜିଭାତ କେତେ ଯେ ସଂଗୀତ 

     ଆୟୋଜନ ତୁମ ପାଇଁ ,

ବିଫଳ ନ ହେଉ ଏସ

Advertisement

ବୁ ଯୋଜନା 

     ତୁମରି ପରଶ ପାଇ ।

କେତେ କେତେ ତୀର୍ଥ କେତେ ପୂଜାର୍ଚ୍ଚନା 

     କରିବୁ ତୁମେ ଆସିଲ, 

ବରଷଟା ସାରା ଏହି ପୃଥିବୀରେ 

     କଟି ଯାଉ ଭଲ ଭଲ ।

ଜଗତର ନାଥ  ପ୍ରଭୁ ଜଗନ୍ନାଥ 

    ସଭିଙ୍କୁ ସହାୟ ହୁଅ, 

କ୍ରୋଧ,କାମ, ହିଂସା ଅହଙ୍କାର, ଇର୍ଷା 

    ଦୂରକୁ ଦୂରେଇ ଦିଅ ।

ନୂଆ ବରଷଟି ହର୍ଷ ଉଲ୍ଲାସରେ 

   ସର୍ବେ ପାଳନ କରିବା ,

ପୁରୁଣା ବର୍ଷକୁ ସ୍ମୃତିରେ ରଖିକି 

   ତାକୁ ଯେ ବିଦାୟ ଦେବା ।