'ଭୂତ' 'ଭୂତ '

ଅମାବାସ୍ୟାର ଅନ୍ଧାର ରାତି

    ଘଣ୍ଟାରେ ବାଜିଛି ଆଠ

ସୁନା ମୁନା ଭାଇଭଉଣୀ

   ପଢ଼ନ୍ତି ବସି ପାଠ l

କୁଆଡେ ଥିଲା ଝଡବତାସ

     ହଠାତ ଆସିଲା ମାଡି

ବିଜୁଳି ମାରଇ ଘନଘନ

  ପବନ ସଙ୍ଗେ ଘଡ଼ଘଡି l

ବିଦ୍ୟୁତକାଟ ହୋଇଲା ଯହୁଁ

    ଲିଭି ଗଲା ବତୀ

ମନରେ ଉଠେ ଭୟ

  ଥରାଇ ତାଙ୍କରି ଛାତି l

ଆଲୋକ ଜାଳିଲେ ମା

  ତେଜିଲୁ ମନୁ ଭୟ

ଖୁସିରେ ପୁଣି ଭାଇଭଉଣୀ

  ପାଠରେ ଦେଲୁ ଲୟ l

ସୁନା କହିଲା ଦେଖ

    ଝରକା ପାଖେ କିଏ

ଜଳୁଛିତାର ଆଖି ଦୁଇଟା

 ଭୂତ ନୁହେଁତ ସିଏ l

'ଭୂତ ', ଭୂତ ' ରଡି

   ମା ' ଆସିଲେ ଧାଇଁ

କିମ୍ପାଇଁ କରୁଛ ପାଟି

ଭୂତ ତୁମର କାହିଁ l

ଆଙ୍ଗୁଠି ଠାରେ ସୁନା କହିଲା

  ଝରକା ପାସେ ଦେଖ

 ଦୁଇଟି ଅଗ୍ନି ପିଣ୍ଡୁଳା

   ଭୟଙ୍କର ତା ମୁଖ l

କହିଲେ ମା ନିରେଖି ଚାହଁ

   ରହିଛି ଚାହିଁ ଯିଏ

ମାଛଝୋଳରେ ତାହାରି ମନ

   ପୁଷି ମାଉସୀ ସିଏ l