ଭୁଲିଲି ମୁଁ ସ୍ବପ୍ନ ମୋର
ଭୁଲିଲି ମୁଁ ସ୍ବପ୍ନ ମୋର
ସ୍ବପ୍ନ ଥିଲା ଜୀବନରେ ହେବି ମୁଁ ଶିକ୍ଷକ
ଛାତ୍ର ଛାତ୍ରୀ ଗଢ଼ି ଦେଵି କରି ପୂରା ଦକ୍ଷ
କିଛି ଦିନ ଇଛା ମୋର ହେଇଥିଲା ପୂର୍ଣ୍ଣ
ମାତ୍ର ବିହି କରିଦେଲା ଇଚ୍ଛା ମୋର ଚୂର୍ଣ୍ଣ
ଆସିଗଲା ସର୍ବଶିକ୍ଷା ଅଭିଯାନ କାଳ
ଲେସନ ଡାଏରୀ ଲେଖି ଗଲା ମୋରବେଳ
କାନ୍ଥ ବାଡ଼େ ଲେଖା ଟାଙ୍ଗି ହେଲି ମୁଁ ଦୁର୍ବଳ
ସମୟ ଚକ୍ରରେ ପଡ଼ି ହେଇଗଲି ଠକ
ଭୁଲିଲି ମୁଁ ସ୍ବପ୍ନ ମୋର ହେବାକୁ ଶିକ୍ଷକ l
ମଧ୍ୟାହ୍ନ ଭୋଜନ ସଙ୍ଗେ ପୋଷାକ ବଣ୍ଟନ
SMC,MTA ଙ୍କ ରଖିବାକୁ ମନ
ଦୁର୍ନୀତି କୁ ଆପଣେଇ ଭୁଲିଲି ଆଦର୍ଶ
ନୀଳକଣ୍ଠ ହେଇ ପାନ କଲି ଯେତେ ବିଷ
ଅବାଟରେ ଯାଇ ମୋର ବଢିଗଲା ଦୁଃଖ
ଭୁଲିଲି ମୁଁ ସ୍ବପ୍ନ ମୋର ହେବାକୁ ଶିକ୍ଷକ ll
ସର୍ବଶିକ୍ଷା ଅଭିଯାନ ଟଙ୍କା ଦିଏ ଭରା
ପ୍ରତି ଦିନ ଲାଗୁ କରେ ନୂଆ ନୂଆ ଧାରା
ଗବେଷଣା କରୁ କରୁ ସରିଯାଏ ବେଳ
ପିଲାଙ୍କ ଜୀବନ ସହ ଚାଲେ ଏଠି ଖେଳ
ଯୋଜନା ପରେ ଯୋଜନା ଦଉ ଦଉ ଡାଟା
ଛାତ୍ରମାନେ ଫେରିଯାନ୍ତି କରି ମୋତେ ଟା...ଟା..
ଏମିତି ଜୀବନ ଜୀଇଁ ଲାଗେ ଭାରି ଦୁଃଖ
ଭୁଲିଲି ମୁଁ ସ୍ବପ୍ନ ମୋର ହେବାକୁ ଶିକ୍ଷକ l
ଲାଗୁହେଲା RTE ପୁଣି NCF ଧାରା
କାମ ଚାପେ ପାଶୋରିଲି ବରଷା କି ଖରା
ଶିକ୍ଷକ ମାଗିଲେ କେହି ଦିଅନ୍ତିନି ଧରା l
ଗଢ଼ାହେଲା କୋଠାଘର ହେଲା ଶୌଚାଳୟ
SMC ମୋ ଟଙ୍କା ପାଇଁ କରନ୍ତି ପ୍ରଳୟ
ପ୍ରଶାସନ ଚାପେ ପଡ଼ି କଲି ମୁଁ ନାଟକ,
ଲକ୍ଷ୍ୟ ଭୁଲି ପଢ଼ା ଛାଡ଼ି ହେଲି ବଡ଼ ଠକ
ଭୁଲିଲି ମୁଁ ସ୍ବପ୍ନ ମୋର ହେବାକୁ ଶିକ୍ଷକ l