ଲାଇବ୍ରେରୀ
ପ୍ରୋଫାଇଲ୍
ମୁଁ ଚିରବନ୍ଦନୀୟା
ମୁଁ ଚିରବନ୍ଦନୀୟା
1 min
17
ମୁଁ ନାରୀଟିଏ
ସ୍ନିଗ୍ଧ ଚେତନାର ଉପଲବ୍ଧି ମଧ୍ୟେ
ସତେଜ ଗୋଲାପ କଳିଟିଏ ll
ମୁଁ ନାରୀଟିଏ
ଭୂମିରୁ ଭୂମାକୁ ପ୍ରସରିବା ପାଇଁ
ସୁନୀଳ ଶୀତଳ ସ୍ରୋତଟିଏ ll
ମୁଁ ନାରୀଟିଏ
କଲ୍ୟାଣମୟୀ ମୁଁ ଚିର ବନ୍ଦନୀୟା
ପ୍ରୀତି ଫଗୁଣର ପରୀଟିଏ ll
ମୁଁ ନାରୀଟିଏ
ସମୟ ସୁଅରେ ପରିବର୍ତ୍ତନର
ବୈପ୍ଳବିକ ଚିନ୍ତଧାରାଟିଏ ll
ମୁଁ ନାରୀଟିଏ
ସାମାଜିକ ପ୍ରଥା ପରମ୍ପରା ଛୁଇଁ
କୁସଂସ୍କାରକୁ ମୁଁ ଫିଙ୍ଗିଦିଏ ll
ମୁଁ ନାରୀଟିଏ
ଧୈର୍ଯ୍ୟ ସାହସର ପ୍ରତିଛବି ଭରା
ତ୍ୟାଗର ଜୀବନ୍ତ ମୂର୍ତ୍ତିଟିଏ ll
ମୁଁ ନାରୀଟିଏ
ଦୁଃଖ ପିଇ ପିଇ ଖୁସି ମୁଁ ବାଣ୍ଟୁଛି
ଜୀବନ ନାଟିକା ଥିବାଯାଏ ll
ମୁଁ ନାରୀଟିଏ
ବନ୍ଧୁ ପରିଜନ ସ୍ୱାମୀ ସନ୍ତାନଙ୍କ
ଅତି ଆପଣାର ସାଥୀଟିଏ ll
ମୁଁ ନାରୀଟିଏ
ସଫଳତା ଶୀର୍ଷ ଛୁଇଁ ଯିବା ପାଇଁ
ଅସାଧ୍ୟ ସାଧନ କରିଥାଏ ll
ମୁଁ ନାରୀଟିଏ
ମାତୃ ଶକ୍ତିର ଧ୍ବଜା ମୁଁ ଉଡ଼ାଇ
ଜଗତ ଠାକୁର ପାଦ ଛୁଏଁ ll
ମୁଁ ନାରୀଟିଏ
ମୁଁ ନାରୀଟିଏ ll
