ମୁଁ ନାରୀଟିଏ

ମୁଁ କୋଟି ହୃଦୟର ବିଶ୍ୱାସ

ସକଳ ପ୍ରାଣର ପ୍ରଶ୍ୱାସ

ମୁଁ ଯେ ନାରୀଟିଏ

ସରଗ ରାଇଜ ପରୀଟିଏ

ପରକୁ ଆପଣା ସଜାଇବା ପାଇଁ

ଆତ୍ମବିଶ୍ୱାସର ତରୀଟିଏ ll

ମୁଁ ଯେ ଶୁଭ୍ର ତଟିନୀ ବାରିଧାରା

ଯୁଗ ଯୁଗାନ୍ତର ପରମ୍ପରା

ଫୁଲଠୁ କୋମଳ ଲୁହାଠୁ କଠିନ

ପ୍ରୀତିଭରା ସୁଧା ଚନ୍ଦନ ll

ମୁଁ ଯେ ମୁକ୍ତ ପ୍ରଶସ୍ତ ବାତାୟନ

ସେଵା ଧର୍ମର ରୂପାୟନ

ତ୍ୟାଗର ପ୍ରତୀକ ସମାଜ ରକ୍ଷକ

ଜନନୀ ମୁଁ ସ୍ନେହ ସିନ୍ଧୁକ ll

ମୁଁ ନୁହେଁ କେବେ ଅଭିଶାପ

ବଢିଛି ମୋ ସୀମା ପରିମାପ

ମୁଁ ଯେ ବିଶ୍ୱ ବନ୍ଦନୀୟା ଛବିଟିଏ

ସମାଜ ସଂସ୍କାର ବାର୍ତ୍ତା ଦେଉଥିବା

ଆତ୍ମ ଚେତନ କବିଟିଏ ll