ଲାଇବ୍ରେରୀ
ପ୍ରୋଫାଇଲ୍
ଶରଧା ବାଲିର ଶ୍ରଦ୍ଧାରେ
ଶରଧା ବାଲିର ଶ୍ରଦ୍ଧାରେ
4 mins
22
କି ସୁନ୍ଦର ନେତ ଉଡ଼ୁଛି
ନୀଳ ଗଗନ ଛୁଇଁ
ହାତ ଠାରି ସେତ ଡାକୁଛି
ଆସ ଆସରେ ଭାଇ ll
ଆଖିରେ ମିଶାଇ ଆଖିକୁ
ସମର୍ପିତ ଅନ୍ତରେ
ଭୁଲି ଯାଅ ଲୋଭ ମହକୁ
ମାତି ଭକ୍ତି ରସରେ ll
ମୁକ୍ତ ପଡ଼ିଛି ମୋ ଦରଜା
ସିଂହ ଦ୍ୱାରର ନାମେ
ବଡ଼ ଦାଣ୍ଡେ ଧୂଳି ଉଡ଼ୁଛି
ମୋତେ ଛୁଇଁ ପବନେ ll
ଶରଧା ବାଲିର ଶ୍ରଦ୍ଧାରେ
ଥରେ ପକାଇ ବୁଡ଼
ଚାହିଁ ଦେଖ ନୀଳଚକ୍ରକୁ
ସତେ କେତେ ସେ ବଡ଼ ll
ରତ୍ନ ସିଂହାସନେ ବସିଛି
ତୁମ ପଥକୁ ଚାହିଁ
ଖୋଜୁଛି ତୁମକୁ ଶ୍ରଦ୍ଧାରେ
ଟିକେ ଦେଖିବା ପାଇଁ ll
ଟେକିଦିଅ ତୁମ ବାହୁକୁ
ମୋର ସମ୍ମୁଖେ ଥରେ
ମହାବାହୁ ନାମ ବାହିଛି
ଏହି କଳି ଯୁଗରେ ll
ପତିତପାବନ ନାମଟି
ହୁମେ ଦେଇଛ ମୋତେ
ପାପ ନାଶି ପୁଣ୍ୟ ଲଭିବ
ଆସ ଭକତ ଯେତେ ll
ଏକାକାର ହେବା ଶ୍ରଦ୍ଧାରେ
ଯେତେ ଜଂଜାଳ ଭୁଲି
ଜୀବନ ଯୌବନ ସବୁତ
ଏଠି ଅଳିକ ଖାଲି ll
