ତୁ ମୋ ହସ ତୁ ମୋ ଖୁସି !!!

ତୁ ମୋ ହସ, ତୁ ମୋ ଖୁସି

ମୁଁ ଋଷିଲେ, ଯାଉ ତୁ ଋଷି ।

ମୋ' ଆଖିରେ ତୁ ଦେଖୁ ଦୁନିଆଁ

ତୋ' ଭିତରେ ନାହିଁ ଛଳନା, ମାୟା।

ମନୁଷ୍ୟ ଦେହେ ଭରା ହିଂସ୍ର ପ୍ରକୃତି

ସହେନା କା'ର ସେ ଦେଖି ପ୍ରଗତି ।

ତୁ' ମାନୁ ପୋଷା ହୋଇ ଜଙ୍ଗଲୀ ଜାତି

ବୁଝୁନା କିଛି ତୁହି ପ୍ରିୟା, ପ୍ରିତି ।

ରୂପ ଟି ହିଂସ୍ର ହେଲେ ମନ ସରଳ

ତୋ ଠାରୁ ଜ୍ୱାଳା ମନୁଷ୍ୟ ର ଗରଳ।

ମୁନିବ ପାଇଁ ତୁ ଦେଉ ଜୀବନ

ତାକୁ ହତ୍ୟା କରି ସେ ଲଭେ ଆସନ।

ମୋ ପାଇଁ ଲଢୁ ତୁ ଶତ୍ରୁ ସାଥିରେ

ମୋ ରକ୍ଷା ପାଇଁ ତୁ ଥାଉ ଆଗରେ ।

ପିଲାଟି ଦିନୁ ତୋତେ ପାଳିଛି ମୁହିଁ

ମୋ ହସ ଖୁସି ସବୁ ତୋହରି ପାଇଁ ।

ମୋର ଇସାରା ତୁ ବୁଝୁ ସହଜେ

ମୋ ସାଥେ ରହୁ ତୁ ଭାରି ମଉଜେ ।

ଏବେ ତୁ ଫେର ନିଜ ଦୁନିଆଁ ବାବୁ

ନହେଲେ ତୋତେ ବାପା କରିବେ କାବୁ ।

ଚିଡିଆଖାନାରେ ତୋତେ ଛାଡିବେ ନେଇ

ବନ୍ଦୀ ଜୀବନ ସେଠି କଟିବୁ ତୁହି ।

କହୁଥିଲେ ବାପା କାଲି ବୋଉ ଆଗରେ

ଶୁଣୁଥିଲି ମୁହିଁ ଥାଇ ତାଙ୍କ ପାଖରେ ।

ଫେରିଯାଅ ତୋର ଗହନ ବନ

ତୁ ସୁଖେ ରହିଲେ ଖୁସି ମୋ ମନ ।