ବିଦ୍ୟା ନ ତଉଲ ଟଙ୍କା ସାଥିରେ

ବ୍ୟବହାର ପରା ଶୁଭ କଳସ ଯେ

ଟଙ୍କା ବାକ୍ସ ଟି ମାନବିକତା

ମଧୁରବାଣୀ ତା' ଧନ ଦଉଲତ

ଶାନ୍ତି ସେହି ଘର ଲକ୍ଷ୍ମୀମାତା ।

ସ୍ନେହ, ଶ୍ରଧା ପ୍ରେମ,ତ୍ୟାଗ ଓ ଏକତା

ହୃଦେ ଜଗାଏ ମମତା

ସବୁ ହସ ଖୁସି ନେଶା ଅଛି ତହିଁ

ଯହିଁ ସମାଧାନର ବ୍ୟବସ୍ଥା ।

ବନ୍ଧୁ, ପରିଜନ ଟଙ୍କାର ସମାନ

ଅସୁଥିବେ ଯାଉଥିବେ

ବିଦ୍ୟା,ବୁଦ୍ଧି ଆମ ଚୀର ସହଚର

ଏକା ନଛାଡିବେ କେବେ ।

ଟଙ୍କା ପଇସାର ସାଥେ ବିଦ୍ୟା ବୁଦ୍ଧି

ନ କର ବାବୁ ତଉଲ।

ବିଦ୍ୟା ବୁଦ୍ଧି ବଳେ ଜଗତ ଜିଣୁଛ

ବିଦ୍ୟାହିଁ ଅମୁଲ ମୂଲ ।

ଶିକ୍ଷା ବ୍ୟବସ୍ଥା କୁ ଘରୋଇ କରିଣ

ବିଦ୍ୟାକୁ ବିକିଲ ଟଙ୍କାରେ

ଟଙ୍କା ଦେଇ କିଣାହୁଏ ଆଗଧାଡି

ଥିଲେ ଥାଉ ଗୁଣ ପଛରେ।

ଟଙ୍କା ଅଜାଡ଼ିଲେ ଗବା ଗଧିଆଟା

ହୋଇବ କି ଭଲ ଚାଟ

ଚଉକି,ବେଞ୍ଚ ପଛପଟେ ଧରି

ପହଞ୍ଚିବ କେତେ ବାଟ ?

ଟଙ୍କା ବଳେ ରାଜଗାଦିରେ ବସିଲେ

ଶାସନ କରିବେ ରାଜ୍ୟକୁ

ବୁଦ୍ଧିଆ ମନ୍ତ୍ରୀଟେ ନ କିଣିଲେ ଧନ

ବୁଦ୍ଧି ନ ଦିଶିବ ଆଗକୁ ।

ଟଙ୍କା ବଳେ କିଣା ପରିଚୟପତ୍ର

କାର୍ଯ୍ୟଏ ନ ଆସଇ ବେଳକୁ

ଧର୍ମ ନିକିତିରେ ତଉଲି ଦେଖ ହୋ

ବିଦ୍ୟା ହିଁ ରହୁଛି ତଳକୁ ।