ଜୀବନ ଓ ଶବ୍ଦ

ଆସ ବାରେ ପ୍ରଭୁ ମୋ ମନ ମନ୍ଦିରେ

ଶବ୍ଦ ବ୍ରହ୍ମଟିଏ ହୋଇ

ଚେତନାରେ ମୋର ଆଙ୍କିଦେଇ ଯାଅ

ଶୁଦ୍ଧ ତପୋଵନ ଡେଇଁ ll

ଉନ୍ମିଳିତ ହେଉ ଅଜ୍ଞାନ ତମସା

ଜ୍ଞାନ ଚକ୍ଷୁ କରାଗ୍ରତେ

ଶ୍ୱେତ କାନଭାସରେ ସତେଜ ତୂଳୀରେ

ଲେଖିଯିବି ମୁଁ ଜାଗ୍ରତେ ll

ଅମିୟ ସୁଷମା ଦେବି କି ଉପମା

ତାବାଶିଷ ଯହିଁ ଝରେ

ନିର୍ଝରିଣୀ ସମ ଶବ୍ଦ ପ୍ରବାହରେ

ଉଦବେଳିତ ମଧୁ ସ୍ଵରେ ll

ମୂର୍ଚ୍ଛାୟିତ ହେଉ ଶବ୍ଦର ତରଙ୍ଗ

ଭଳି ଭଳି ସୁବାସରେ

ଆତ୍ମା ପକ୍ଷୀ ମୋର ଉଲ୍ଲସିତ ହେଉ

ପ୍ରତ୍ୟାଶିତ ପ୍ରଣୟରେ ll

ଏତିକି ମାଗୁଣି ପ୍ରଭୁ ପରାତ୍ପର

ଚାହିଁ ଦିଅ ସହାସ୍ୟରେ

ଝରି ପଡୁଥାଉ ଶବ୍ଦ ରେଣୁ ଖାଲି

ମଧୁମୟ ପ୍ରତ୍ୟୁଷରେ ll

ପ୍ରଦୋଷେ ଗୋଧୂଳି ଦେଖ ବନମାଳୀ

ଝୁମି ଝୁମି ଆସ ଚାଲି

ଦିଅ ଦିବ୍ୟ ଜ୍ଞାନ ରଚନା ଉତ୍ତମ

ଘେନ ମୋର ଶ୍ରଦ୍ଧାଞ୍ଜଳି ll