ପୁଣ୍ୟର ପସରା

କଳ୍ପନାର ନେତ୍ରେ ଦେଖିଲି ଶ୍ରୀକ୍ଷେତ୍ର

ବଡ଼ଦାଣ୍ଡେ ତିନି ରଥ

ଭାଇ ଭଉଣୀ ଙ୍କୁ ସଙ୍ଗେ ଧରି ପ୍ରଭୁ

ନିଜେ ବିଜେ ଜଗନ୍ନାଥ

ସାଥିରେ ଅଛନ୍ତି ପଣ୍ଡା ପଢିହାରୀ

ସେବାୟତ ଦେବ ଦାସୀ

ଘଣ୍ଟୁଆ ବାଇଦ ଶୁଭ ଶଙ୍ଖନାଦ

ସର୍ବେ ଛନ୍ତି ମିଳିମିଶି ll

ତୁମରି ସେବାରେ ମହା ଆନନ୍ଦରେ

ସଭିଏଁ ଗାଆନ୍ତି ଗୀତ

କରିଛ କି ଲୀଳା ଆହେ ଚକା ଡୋଳା

ବିଶ୍ୱ ବ୍ୟାପୀ ତୁମ ଯାତ

ନାନା ରଙ୍ଗେ ଆଜି ଶୋଭା ପାଉ ଅଛି

ଶରଧା ବାଲିର ରୂପ

କିଏ କେତେ ସ୍ଵରେ ଡାକନ୍ତି ଅଧୀରେ

ଛଡ଼ାଇବା ପାଇଁ ପାପ ||

ପୁଣ୍ୟର ପସରା ପ୍ରାରବ୍ଧ ଇଶାରା

ଦେଇଯାଏ କହି କହି

ତଥାପି କେମିତି ତୁମଠି ବିଶ୍ୱାସ

କେତେ କାଳୁ ଅଛି ରହି

ତୁମେ ମହାବାହୁ କର ପ୍ରସାରିକି

ସଭିଙ୍କୁ ସୁରକ୍ଷା ଦିଅ

ତୁମରି ଆଜ୍ଞା ରେ ପ୍ରତି ହୃଦୟ ରେ

ଛୁଟାଇ ଭକ୍ତି ର ସୁଅ ||