ପତ୍ନୀ ବନ୍ଦନା
ପତ୍ନୀ ବନ୍ଦନା
ଉଠ ଉଠ ରାତି ପାହିଲାଣି
ମୋ ଘରମଣୀ
ବେଳ ନଅ ଘଡ଼ିଯାଏ ମୋ ଘରଣୀ ଶୋଇଥାଏ
ଡାକି ଡାକି କଁ କଣ୍ଠ ଫାଟେ ଉଠିଲେ ଦୁର୍ଯୋଗ ଘଟେ
ଖଟେ ଗଡୁଥାଏ ଜାଣିଶୁଣି l
ଉଠୁ ଉଠୁ ଶଜ୍ୟା ଚାହା ନ ଦେବାକୁ ନାହିଁ ରାହା
ଘଷିସାରି ଟୁଥ ବ୍ରଶ ସ୍ନାନସାରି ହୁଏ ଫ୍ରେଶ
କ୍ରିମ ମାଖି ବାନ୍ଧେ ଲମ୍ବାବେଣୀ l
ବଜାରର ଜଳଖିଆ ଲାଗେ ଭାରି ଶୁଆଦିଆ
ଖାଇବାକୁ କଲେ ମନ ବାହାରିଯାଏ ମୋ ଯାନ
ଆଣିଥାଏ ମୁଁ ବଜାରୁ କିଣି l
ଆସିଲେ (ମୋ )ଶାଶୁ ଶ୍ୱଶୁର ଅଣ୍ଟାଭିଡ଼ି ତରତର
ବଢ଼ି ସକାଳରୁ ଉଠି କାମ କରେ ଯେନହେ ବେଠି
କି ପ୍ରଶଂସା ପାଏ ମୋ ଘରଣୀ l
ଆସିଲେ ଘରକୁ ଶାଳୀ ମୋ ମନ ହୁଅଇ ଭାଳି
ସିନେମା, ପାର୍କ, ବଜାର ବୁଲି କିଣେ ଚୂଡ଼ଦାର
ଖାଲିକରିଦିଏ ମୋର ମୁଣି l
ଶଳା ମୋ ଗେଲବସର ଅଟେ ନିକମା ବେକାର
କାମଧନ୍ଦା କିଛି ନାହିଁ ମୋ ଧନକୁ ଥାଏ ଚାହିଁ
ଖର୍ଚ୍ଚ ପାଇଁ ଦିଏ ତା ଭଉଣୀ l
ଅନେକ ଧରମ ଭାଇ ଘରକୁ ଆସନ୍ତି ଧାଇଁ
ଧରି କ୍ରିମ ପାଉଡ଼ର କଦଳୀ ନଡ଼ିଆ ଭାର
ଦେଖି ମୋତେ ଭୁଲେ ମୋ ଘରଣୀ l
ଦିନରେ ପିନ୍ଧେ ନାଇଟ ଜିନ୍ସ ପୋଷାକ ଟାଇଟ
ବୁଲୁଥାଏ ବାରଦ୍ୱାର ଅବା ବୁଲଇ ବଜାର
ପ୍ରତିବାଦରେ ଉଠେ ଛାଞ୍ଚୁଣୀ l
ପ୍ରିୟତମା ତୋତେ ରାଣ ରୋଷ କରିବୁନି ପୁଣ
ଉଗ୍ର ଆଧୁନିକା ନାରୀ ଏ କର୍ମ ନିଏ ଆଦରି
ଏହା ନୁହେଁ ମୋ ଘର କାହାଣୀ l