ରାମ ରାଜ୍ୟ
ରାମ ରାଜ୍ୟ
ହେ ଗାନ୍ଧିଜୀ,
ପୁଣ୍ୟତୋୟା ତୁମେ
ଆସିଥିଲ ପୁଣି ଚାଲିଗଲ
ମାନସ ପଟରେ ଆଙ୍କିଦେଇ
ଅକୁହା କାହାଣୀ l
ଆଜି ସଭିଏଁ କାନ୍ଦୁଛନ୍ତି
ନାଥୁରାମ ବି ଅନୁତପ୍ତ କରି କାନ୍ଦୁଛି କଇଁ କଇଁ
ବ୍ରିଟିଶ ବି କାନ୍ଦୁଛି
ତୁମ ନିଷ୍ଠା ଓ ଏକାଗ୍ରତା ପାଇଁ
ତୁମର ଅମୁଲ୍ୟ ବଳିଦାନ ଓ କଥାପଦକ ପାଇଁ l
ଖଦଡ଼ ପିନ୍ଧି ଆସିଥିଲ
ଖଦଡ଼ ପିନ୍ଧା ବି ଶିଖାଇଲ
କିନ୍ତୁ,
ଆମକୁ ନ ଜଣାଇ ଚାଲିଗଲ ସେଇ କଳ୍ପନାର ରାଜ୍ୟକୁ l
ଏବେ ସେହି ଖଦଡ଼ ପିନ୍ଧି
କେବଳ କାନ୍ଧେଇଛୁ
ତୁମର ଚିରଞ୍ଜିବି ଶବ l
ରାମରାଜ୍ୟ କରିଲ ସ୍ୱାର୍ଥତ୍ୟାଗ କରି
ଆଜି ଶହଶହ ନିରୀହା କାନ୍ଦୁଛନ୍ତି
ତୁମକୁ ହରାଇ
ତୁମପରେ ଜନ୍ମିଥିବା
ରାକ୍ଷସ ରାବଣର ଫାଶରେ ପଡି l
ହେ ଗାନ୍ଧିଜୀ,
ପୁଣି ଫେରିଆସ ଖଦଡ଼ ପିନ୍ଧି
"ଖଟି ଖାଅ କୁଟି ପିନ୍ଧ "ର ସ୍ଲୋଗାନ ଦେଇ
ପୁଣି ବିଞ୍ଚିଯାଅ ତୁମ ଅମୂଲ୍ୟ କଥାମୃତ
ଏବଂ ଗଢିଦିଅ ତୁମ ସ୍ବପ୍ନର " ରାମରାଜ୍ୟ "l