ନିର୍ବିକାର
ନିର୍ବିକାର
1 min
137
ବର୍ଷ ବର୍ଷ ଧରି ସାଉଁଟି ରଖିଥିବା ସ୍ୱାଭିମାନ
ଆଜି ଚୁରମାର୍ ହେଇଯାଇଛି
ହେଲେ ଜାଣିଛ,
ଝରକା ଫାଙ୍କରୁ
ଦୂର ଦିଗବଳୟରେ ଦେଖାଯାଉଥିବା ଆକାଶ
ସମୁଦ୍ର ହେଇପାରେନା
ସୁଦୂରପ୍ରସାରୀ ରାସ୍ତାରେ
ଦେଖାଯାଉଥିବା ମରୀଚିକା
ଚିରସ୍ରୋତା ନଦୀ ହେଇପାରେନା ।
ଦେଖିଛକି କେବେ
ପୃଥିବି ଛୁଇଁଛି ଆକାଶକୁ
ମନ ଛୁଇଁଛି ବିବେକକୁ
ନିର୍ଜୀବ ଛୁଇଁଛି ଆତ୍ମାକୁ
ତଥାପି,ମୁଁ ନିର୍ବିକାର
କେବଳ ତୁମ ପାଇଁ ।
ତୁମେ କହିଥିଲନା
ଅଜଣା ଅଚିହ୍ନା ଇଲାକାରେ ଥାଇ
ଭୁଲିବାକୁ ସବୁ ଅଜଣା ଯନ୍ତ୍ରଣା
ଆଉ ଅଦେଖା ମନଭରା କୋହ
କିନ୍ତୁ,ଚୁପ୍ ରହିଗଲ
ଶାନ୍ତ ହୋଇ ଶିଳାସିକ୍ତ ପ୍ରାୟେ ।